
افغانستان ۸ پایه ماشین گندمکوب به تاجیکستان صادر کرد
مسوولان محلی ولایت ننگرهار میگویند که ۸ پایه گندمکوب ساخت یک فابریکۀ افغانستان به تازهگی به تاجیکستان صادر شده است.
دفتر رسانهیی والی ننگرهار با نشر خبرنامهیی میگوید که این گندمکوبها که ساخت فابریکۀ «جاوید افغان» است، امروز (یکشنبه، پانزدهم سرطان) به تاجیکستان صادر شده است. به نقل از خبرنامه، هر کدام از این خرمنکوبها یکهزار ۷۵۰ کیلوگرام وزن دارد و به مبلغ 200هزار افغانی به فروش رسیده است.
از این پیش نیز ۱۲ پایه گندمکوب دیگر از افغانستان به تاجیکستان صادر شده بود. اکنون شمار مجموعی گندمکوبهای صادر شده به تاجیکستان به ۲۰ پایه افزایش یافته است.
دفتر رسانهیی والی ننگرهار خاطرنشان میسازد که به زودی صادرات گندمکوبهای بیشتر به قرقیزستان نیز آغاز خواهد شد.