
گفتوگوی تیلفونی رییسان جمهور افغانستان و تاجیکستان روی افزایش همکاریها در امتداد دریای آمو
ارگ ریاست جمهوری اعلام کرده است که امام علی رحمان، رییسجمهور تاجیکستان و محمداشرف غنی، رییسجمهور کشور دربارۀ روابط دوجانبه در پیوند تجارت، ترانزیت، تقویت هرچه بیشتر همکاریهای منطقهیی و افزایش همکاریها در امتداد سواحل دریای آمو از راه دور صحبت کردند.
بر اساس خبرنامۀ ارگ ریاستجمهوری که امروز (دوشنبه، سوم سنبله) منتشر شد، رییسجمهور غنی در این گفتوگوی تیلفونی گفته است که مرز افغانستان و تاجیکستان به نقطۀ دوستی و پیشرفت میان دو کشور مبدل میشود و نمونۀ دوستی و همکاری خوب میان دو همسایه خواهد بود. خبرنامۀ ارگ میافزاید که در این صحبت تیلفونی دو طرف توافق کردهاند که هیأتی به ریاست محمدحنیف اتمر، سرپرست وزارت امور خارجۀ افغانستان در روزهای نزدیک به تاجیکستان سفر خواهد کرد تا روی اجندای نشست رییسان جمهور تاجیکستان و افغانستان به خاطر همکاریهای بیشتر، کار کند.
در خبرنامۀ ارگ همچنان آمده است که در این گفتوگوی تیلفونی میان دو طرف، آقای امام علی رحمان ضمن حمایت از روند صلح به رهبری و مالکیت حکومت افغانستان وعده داده است که تاجیکستان در نشستهای منطقهیی و بینالمللی در کنار افغانستان خواهد بود و از موقف حکومت افغانستان حمایت میکند.
رییسجمهور تاجیکستان از آقای غنی دعوت کرده است به منظور گسترش روابط دوجانبه و چندین جانبه و توسعه همکاری ها به تاجیکستان سفر کند و این دعوت از سوی آقای غنی پذیرفته شده است.
خبرنامۀ ارگ خاطرنشان میسازد که در این گفتوگوی تیلفونی، توافق شده است که هیأت افغانستان با هیأت تاجیکستان در مورد مسایل سیاسی میان دو کشور، همکاریهای اقتصادی و امنیتی به ویژه مبارزه با تروریسم و مواد مخدر، نیز صحبت خواهند کرد.
این تماس تیلفونی درحالی میان دو رییس جمهور صورت میگیرد که امام علی رحمان هفتۀ گذشته هنگام بازدید از مناطق مرزی تاجیکستان با شماری از باشندهگان این سوی مرز نیز صحبت کرده است. باشندهگان مناطق مرزی بدخشان از رییس جمهور تاجیکستان خواهان کمک شدهاند. آنان خواستار برق، سرک اسفالت شده و خدمات صحی شدهاند. رییس جمهور تاجیکستان گفته است که از طریق دولت افغانستان با آنان همکاری خواهد کرد.
