حنیف اتمر

محمدحنیف اتمر به تاجیکستان رفت

neshananews

neshananews

13 July 2021

محمدحنیف اتمر، وزیر خارجۀ کشور در رأس یک هیأت دولتی به شهر دوشنبه، پایتخت تاجیکستان سفر کرده است.

وزارت خارجۀ کشور با نشر خبرنامه‌یی می‌نویسد که آقای اتمر بامداد امروز (سه‌شنبه، ۲۲ سرطان) به دوشنبه سفر کرده و قرار است در نشست گروه تماس سازمان همکاری‌های شانگهای اشتراک کند.

در خبرنامۀ این وزارت آمده است که در این نشست دو روزه روی عضویت افغانستان در سازمان همکاری‌های شانگهای، امنیت منطقه، افزایش حمله‌های تهاجمی طالبان و تأثیر آن روی ثبات منطقه بحث خواهد شد.

این در حالی است که با افزایش حمله‌های تهاجمی طالبان برای تصرف ولسوالی‌ها در افغانستان، نگرانی‌های امنیتی کشورهای منطقه افزایش یافته است. اخیراً تاجیکستان و ترکمنستان هزاران سرباز خود را در مرز با افغانستان مستقر کرده‌اند.