معدن گاز

جوزجان ده تورت گاز كاني فايده لنيش گه تاپشيريليشي

neshananews

neshananews

06 July 2020

” افغان گاز” دولتي كمپني سي مسولري، بو اداره شبرغانده گي تورت كان دن هركوني بيش دن آلتي يوزمينگ مترمكعب گاز ايشلب چيقاريليشي دن خبرگن. بو مسوللرگه كوره زمانوي تكنالوژي دن فايده لنيشي سبب جرقدوغ، يتيمتاق، شكرك و خواجه گوگرد كانلريدن مثبي استفاده بولماقده.
افغان گاز كمپني سي مسوللري راپوريگه اساسا” بو كمپني شبرغان و مزارشريف شهرلريده گي بيات پاور و كود وبرق فابريكه لريني گازگه بولگن ضرورتلريني تامين لشماقده.
بوندن قريب بير ييل آلدين بيات پاور خصوصي كمپني سي ، ٤٢ ميگاوات برق ني گازانرژي سيدن ايشلب چيقاريش ايشي ني باشله دي و حاضر شبرغان شهريشوچي لريني برق گه بولگن ضرورتلريني تامينلشماقده.شونينگ ديك مزارشريف ني كود و برق فابريگه سي كيمياوي اوغوت و برق ايشلب چيقاريش ساحه سيده فعاليت قيله دي.
افغان گاز كمپني سي گاز ايشلب چيقاريش بوليمي مسولي عبدالجميد نشانه خبر آژانسي بيلن صحبت ده ديدي:” افغان گاز كمپني سي رياستي جهان جماعتچيليگي و زمانوي تخنيكي اسباب اسكونه لر ياردمي بيلن ٢٤ ساعت ده بيش دن آلتي نينگ مترمكعب گاز ايشلب چيقاريش ده قادر بولگن.” اوني معلوم قيليشيچه بو كمپني ايشلب چيقارگن گازني بيات پاور شركتي و كود وبرف فابريكه سيگه ساته دي. عبدالمجيد جنابلريگه كوره افغان گاز كمپني سي يقين كيله جكده بيرينگي دستگاه اورنتيشي بيلن بلخ ولايتي ده غضنفرگروپ و شيشه ايشلب چيقاراتكان جيت گلاس خصوصي كمپني لريگه گاز صادر ايتماقچي.
افغان گاز كمپني سيني بو مسولي، ينگي دستگاه اورنتيليشي بيلن هر٢٤ ساعت ده گاز ايشلب چيقاريش ميزاني ١.٥ ميليون مترمكعب گه كوتاريليب بو منطقه ده گي خصوصي و دولتي كمپني لرني گازگه بولگن ضرورتلريني تامين لي آله دي ديب ايتي.
عبدالمجيد جناب لري حاضرچه شبرغان ني تورت كاني ده قريب بيرمينگ كيشي اشله ماقده و ينگي دستگاه اورنتيليشي بيلن بيريريم مينگ كيشي گه ايش زمينه سي مساعد بوله دي ديدي.عيني حالده افغان گاز كمپني سي ايشچي سي يارمحمد روزي گازايشلب چيقاريش دستگاه لرني زمانوي لشتيريشي و گاز پروسيسي حقيده ديدي:” سونگي ييل لردن افغان گاز تصدي سب جهان جماعتچيليگي مالي ياردمي بيلن زمانوي دستگاه لرني يتيمتاق و خواجه گوگرد كانلريده اورنتيب حاضرايسه گاز ايشلب چيقاريش و تصفيه قيليش بويچه كوزگه كورنرلي قوليك ليك لر حاصل بولگن.”
باشقه تماندن جوزجان ولايتي بيرقطار يشوچيلري، افغانگازتصدي سيدن مردم اويلريده گازترماقلريني اوتكزيليشي ني طاب ايتماقده لر. شبرغان يشوچيسي قمرالدين ديدي هرچند تازه ليكده افغان گازكمپني زمانوي اسباب اسكونه لر بيلن جهازلنگن اما هنوز شبرغان شهري يشوچيلري اوز منطقه لري گاز انرژي سيدن استفاده قيله آلميديلر.
اما افغان گاز تصدي سي مسوللري بو ينگي دستگاه اورنتيليشي بيلن شبرغان يشوچيلري بو قيينتچيليگي برطرف ايتيله دي.
افغان گازتصدي سي ١٩٤٦ ييلي دن بويان جوزجان ولايتي ده گازايشلب چيقاريش ساحه سيده فعاليت قيليب كيلماقده. معلوماتلرگه كوره بو تصدي حاضرگه قدر بو ولايت ده ١٩٢ گاز قدوغي ني تاپيب اوندن گاز ايشلب چيقارماقده.حاضرچه بو قدوغ لردن فقط تورت ته سي فعال دير.