هرات سه

کرونا و سیاحت چیلیک؛ هرات ده سیاحت چیلیک صنعتی گه یتکزیلگن آغیر خساره

neshananews

neshananews

17 May 2020

کرونا ویروسی نینگ ضررزیان لری باره باره هرات یشوچی لری حیاتی نینگ برچه قره لریگه تاثیر یتکزگنی آشکار بولماقده. سیاست دن توتیب مدنیت و اقتصاد ساحه لریگه چه، هرات یشوچی لری کونده لیک فعالیت لریده بو آغیرکسادلیک تاثیرینی یقال سیزماقده لر. بو کسادلیک تاثیراتی کون اوتیشی بیلن تورلی بولیم لرمسوللرینی هم خواتیرگه سالگن.
هرات ده کرونا ویروسی ییرلیشی و اونی آرتیدن هوایی سفرلر توختتیلیشی، سیاحت چیلیک شرکت لر و هوتل لر فعالیتی کمیگنی ، سیاحت چیلیک صنعتی نی کسادگه اوچرتیب مسوللر بوندای وضعیت نمونه سی نی یالغیز طالبان حکومتی دوریده تجربه قیلگن لرینی ایتیشماقده لر. « کووید۱۹» ویروسی ییرلیشی هرات ده برچه سیاحت چیلیک شرکت لرنی نابودلیک تمان تارتیب و سیاحتچی لر راهنما و ترجمان لرینی هم خانه نشین قیلگن.
هرات ولایتی سیاحت چیلیک اداره سی مسوللری، بو ولایت ده کرونا ویروسی تاپیلگنی دن سونگ سیاحت چیلیک گه تیگیشلی بولگن برچه فعالیت لرتوختتیلگنی نی تاکیدلب بو شهرده ایچکی و خارجی سیاح لر سفریدن هیچ خبر یوق دیب ایتکن. هرات ولایتی سیاحت چیلیک اداره سی باشلیغی وحید سلطانی نشانه خبر آژانسی بیلن صحبت ده دیدی بو اداره درآمدی سیاحت چیلیک جهتی دن اوتکن ییلی قریب ۲۵ میلیونی افغانی گه یتکندی اما کرونا ویروسی ییرلیشی بیلن سونگی ایککی آی جریانیده بو درآمد صفر بولگن. سلطانی جنابلری توریسم یا سیاحت چیلیک صنعتی کساد گه اوچرگنی سبب کتته خساره هوتل و رستوران ایگه لری گه یتکزیلگن دیدی.
سلطانی جنابلری علاوه ایتی، هرات ده‌گی هوتل لردن ۹۰ فایزی اوز کونده لیک فعالیت لرینی توختتکن و حاضر فعالیت قیله یاتکان هوتل لرده هم ایچکی یا خارجی مهمان لردن هیچ خبر یوق.
هرات ولایتی سیاحت چیلیک اداره سی باشلیغی، عادی شرایط ده هرات هوتل لری هر آیی اینگ آز ۴۰ خارجی سیاح وایککی مینگ دن کوپراق ایچکی سیاح و مهمان لرسفریگه گواه ایدیلراما ایندی لیک ده کرونا ویروسی تاپیلگنی بیلن بو صعنت بیر قرانگی کیله جک بیلن یوزمه یوز بولگن.

عینی دمده هرات شهری مشهور هوتل لریدن بیری نینگ مسولی حبیب رحیمی، کرونا ویروسی ییرلیشی آرتیدن سیاحت چیلیک و هوتلدارلیک صنعتی گه یتکزیلگن خساره و ضرر زیان میزانی توللب بولمس ایکنی تاکیدلب اگر بو وضعیت کیله جکده دوام ایتسه برچه هوتل لراوز فعالیتی لرینی توختتیش دن باشقه چاره لری یوق دیدی. رحیمی جنابلری اگر بو کابوس توگنمسه بو هوتل نینگ ۴۰ ایشچی و خادمی بوتکل ایشسیزبولیشی لری ممکن دیدی.
بونگه قوشیمچه هرات سیاحت چیلیک اداره سی مسوللری، اوتکن ایککی آی جریانیده کرونا ویروسی ییرلیشی سبب بو شهرده‌گی برچه سیاحت چیلیک شرکت لر فعالیتی هم توختتلگن دیب ایتی. سلطانی جنابلری هرات ده ۱۵۰ گه یقین سیاحت چیلیک شرکت لر فعالیت قیلیشی نی ایتیب اما حاضر بو شرکت لربرچه سی فعالیت دن قالگن دیدی. او، حاضرگی وضعیت وسیاحت چیلیک شرکت لر امیدسیزلیگی گه قرگنده، بو ولایت ده سیاحت چیلیک صنعتی نی قیته تیکلش اوچون ییل لرچه وقت ضرور بولگنی نی تاکیدلشدی.
کرونا ویروسی تاپیلگنی دن آلدین هرات تاریخی میراث لرینی یقین دن تماشا قیلیش اوچون کوپلب ایچکی و خارجی سیاح لر بوولایت گه سفر قیلردیلر. هرات ۷۰۰ دن کوپراق تاریخی میراث لرگه ایگه بولگنی اوچون افغانستان نینگ تاریخی و قدیمی ولایت لریدن بیری حسابلندی. بو مدنی میراث لر هر ییلی مینگلب چه خارجی و ایچکی توریست وسیاح لر ایاغی نی هرات گه تارتردی.
اختیارالدین قلعه سی ، هرات مصلاسی، قدیمی تاریخ گه ایگه بولگن جامع مسجدی، خواجه عبدالله انصاری مقبره سی ، هرات موزیمی و ایسکی شهری، سیاح لردقتی نی جلب ایته یاتکان توریستی محل لر جمله سیدن دیر.هرچند دنیانی بیرقطار مملکت لریده سیاحت چیلیک صنعتی مردم و دولت لرنینگ اصلی درآمد منبع سی حسابلنه دی اما اوتکن ییل لرده امنیتی و خوفسیزلیک معمالرسبب بو صنعت افغانستان اوچون ییریک درآمد مبع سی گه ایلنه آلمه دی.