عیاللر اوچون حمّام خیابانیده‌گی فلم؛ اوروش بۉلگن افغانستان حقیده ینگی روایت
neshananews
03 July 2021“عیاللر حمّامی کوچه‌سی” فیلمی افغانستان نینگ تاباره رواجلنیب باره‌یاتگن سینماتوگرافی‌سی نینگ ینگی محصولی بۉلیب، مملکت نینگ ینگی حکایه‌سینی نمایش اېتیشگه حرکت قیلدی. یقینده بو فیلم نمایش اېتیله‌دی.
عیاللر حمّامی کوچه‌سی بو مملکت نینگ اېنگ تنیقلی سینمارژیسوری سحراکریمي تامانیدن تصویرگه توشیریلگن و “افغان‌فیلم” تامانیدن تیارلنگن ۱۰۰ دقیقه‌لیک بدیعي فلم دیر. فلمده ۷۰ دن آرتیق کیشی رۉل اۉینه‌گن، اما تۉقّیز کیشی فیلم‌‌نینگ اصلی رۉل‌نی اۉینه‌گن.
افغان‌فیلم رییسی، و “عیاللر حمّامی کوچه‌سی” فیلمی یازوچی و رژیسوری صحراکریمی نینگ نشانه خبرآژانسی‌گه ایتیشیچه، اوشبو فیلم‌گه توپلم یتتی میلیون افغانی مبلغ صرفلنگن و او افغانستان سینما دیپارتمنتی نینگ ۱۳۹۹ ییلگی رواجلنیش بودجه‌سیدن آلینگن.
اونینگ سۉزلریگه کۉره، اوشبو فیلمده‌گی برچه اکتورلر افغانستان سینماچی‌لری و اوشبو فیلمده کوپراق تجربه‌لی اکتورلردن ایش آلینگن. اونگه کۉره اوشبو فیلم نینگ برچه صحنه‌لری کابلده صورتگه آلینگن.
اوشبو فیلمده‌گی اکثریت صحنه‌لر کومېدیک (کولگیلی) اصولده یره‌تیلگن بۉلیب، اکتورلر اوروش پیتیده افغانستانده‌گی موجود روایتنی شبهه آستیگه قۉییشگه و مملکتده‌گی اجتماعي حیات نینگ ینگی حکایه‌سینی تقدیم اېتیشگه حرکت قیلیشدی. فلمده کابلده‌گی عیاللر حمّام کوچه‌سیده یشاوچی و سیمالریده تینچلیک حس یقال نمایان بولگن بیر نېچه کیکسه حقیده حکایه قیلینه‌دی.
سۉنگگی ییللرده مملکتده یره‌تیلگن کۉپلب سینما اثرلردن فرقلی اۉله‌راق، عیاللرحمّام کوچه‌سي فیلمی اوزون فیلم‌لر قالبی‌ده یتیلگن. اوشبو اثر نینگ رژیسوری صحرا کریمی اوشبو فیلم مهم سینما فستیواللریده نمایش اېتیلیب، مهم ا‌ۉرین اېگه‌للشیگه امید قیلماقده.
افغان فیلمی رییسی “عیاللر حمّام کوچه‌سی” فیلمی کروناویروس نینگ اوچینچی تۉلقینی تمانیدن قۉییلگن چېکلاولر بېکار قیلینگندن سۉنگ مملکتده نمایش اېتیلیشینی و هر ییلی مدنیت وزیرلیگی تامانیدن تشکیل اېتیله‌دیگن لاجورد دولت سینما فستیوالی دایره‌سیده نمایش اېتیلیشی ممکنلیگینی اَیتماقده.
“افغان فیلم” رییسی نینگ سۉزلریگه کۉره، فیلم نمایش اېتیلگندن سۉنگ مملکت سینمالریده نمایش اېتیلیب و بیر نېچه مشهور خصوصي تلویزیونلر آرقلی نمایش اېتیله‌دی. اونینگ سۉزلریگه کۉره، اوشبو فلم نینگ چیقیشی بیلن مملکت اهالی‌سی نینگ حاضرگی اوروش حالتیگه نسبتاً قره‌شلرینی یومشه‌تیشی ممکن.
