افغانستان عیال و قیزلری عالی تعلیمات اوچون برچه اقتصادی ، اجتماعی و مدنی قیینتچلیک لردن علاوه باشقه بیرقطار جدی معمالرگه هم دچاردیرلر. قشلاق لرده، اکثر عایله لری قیزفرزندلریگه مکتب باریش گه رخصت بیرمیدیلر، رخصت بیریلگن تقدیرده، اولر اوچون فقط آلتینچی یا نهایت توقیزینچی صنف گه چه اوقیش شراطی مساعد دیرو اوندن سونگ دایمی حکایت؛ تورموش گه چیقیش، باله تربیه لش و اوی ایشلرینی بجریش.

افغانستان کبی باغلیق جماعه ده اما کورشچن قیزلر سانی آز ایمس. اولر اوز یوللرینی سنگلاخ لر ایچیدن آچیب هیچ وقت خسته و ناامید بولمیدیلر. بو کورشچی قیزلر، حیات نینگ مرکب شرایطی نی ترقی گه ایرشیش اوچون مناسب فرصت لرگه ایلنتیرگن لر. شو سبب دن عنعنوی جماعه دن باش کوتارگن قیزلرنی روایتی قیزیق و دقت گه سزاوار دیر.

 ستاره حمیدی شو قیزلردن بیری دیر، اوز یولی نی بو سنگلاخ ایچیدن تاپیب آلگن؛ اما هلی هم کوپ کیشی لر بارکه قیزلر تیزراق بختی اویگه باریش نی تاکیدلیدیلرو قیزلریگه عالی اوقویورت گه باریب تعلیم کوریش گه رخصت بیرمی دی. چونکه حاضرگه قدر قیزلری قولی نی توتیب عالی اوقویروت گه آلیب بارگن عایله لرسانی اولکه میزده اوته آز دیر.اما عکس حالده محبت وصمیمت بیلن قیزلریدن حمایت ایتکن بعضی عایله لرهم بار، البته بوندای عایله لر قول برماقلری سانی دن کوره آز راق دیر.

ستاره حمیدی شندای عایله نینگ بیراعضاسی دیر.او حاضر هندوستان نینگ بیر عالی اوقویورتی ده ماسترلیک درجه ده تعلیم کورماقده. حمیدی خانم دیدی:« بخت گه موافق مین آقچه تومنی ده بیر سوادلی عایله ده دنیاگه کیلدیم. اما اولکه میز، قیزلرگه مدنی ازادلیک لر بیریش ظرفیتی گه ایگه ایمس. شونینگ اوچون اوروش دورانیده اویمده قورچاغ اوینش گه مجبور ایدیم و کوپ مشقت لر بیلن مکتب نی یکونلتیردیم.» او دیدی هیچ بیر توسیق مکتب باریشیم نی آلدی نی آله آلمدی. او طالبان زمانیده‌گی خاطره لرینی ایسلب دیدی ابم نی اویگه درس اوقیش اوچون یاشینیب بارردیم وطالبان دن کتابچه لریم نی یاشیریش اوچون قران پوشی ایچیده یاشرردیم.

  ستاره حمیدی علاوه ایتی طالبان حکومتی قوله گنی دن سونگ و ینگی حکومت یوزگه کیلیشی بیلن تعلیم زمینه سی الدین دن کوره یخشی راق مهیا بولدی و مکتب نی بیتیرگندن سونگ کابل گه باردیم. کابل نینگ شرایطی،مین اوسگن عنعنوی جماعه نینگ عرف وعادت لریگه قرگنده منی اوچون قیزیق ایدی.

 ستاره کابل ده عالی اوقونی بیتیرگن دن سونگ ماسترلیک درجه سی نی قولگه کیلتیریش اوچون هندوستان بارگن. ستاره حمیدی دیدی عایله ام بیرینچی دن هندوستان سفریگه موافق ایمسدی اما بیرقطار مصلحت لردن سونگ راضی بولدی. بو یاش قیزعایله سی حمایتی نی قولگه کیریتیش نی، موفقیت لری دلیلی اتب دیدی:« مین تورت ییل کابل ده قیینت کون لرنی باشدن کیچیردیم و آتم حمایت قیلمگنده هیچقچان درسلریم نی یکونلنتیریش گه قادر بوله آلمسدیم.»

 هندوستان سفری ستاره حیاتی ده ییریک بیر اوزگریش حسابلنه دی. خانم حمیدی دیدی بوندن ایککی ییل آأدین هندوستان گه یتیب بارگنیم دیک ینه هم عجایب بیرمملکت و کابل دن اوته فرقلی بولگن بیرجماعه بیلن یوزمه یوز بولدیم ، تیل بیلمس لیگیم اوچون تشویشیم کون سیون کوپیردی. اونی علاوه قلیشیچه هندوستان ده مذهبی قدریت لرخیل مه خیل دیر و بو مملکت یشوچی لری بیرخیل مذهبی قدریت لردن ایزداش لیک قیلمی دیلر.

 ستاره حمیدی سوزینی دوام ایتیریب دیدی هندوستانده هم حاضرگه قدر قشلاقلرده یشه یاتکان قیزلرگه تعلیم آلیش زمینه سی مساعد ایمس و هندوستان و افغانستان لیک قیزلر تقدیری بیربیریگه اوخشیشی نی دایم اویلی من اما هندوستان نی افغانستان دن فرقلی قیلگن نرسه بو مملکت ده عیاللر حق حقوقی دن حمایه ایتوچی فعاللر کورشی دیرو بو فعاللر هرقندای شرایط ده عیاللر حقلریدن حمایت ایتیش اوچون صادقانه کورشه دیلر.

 خانم حمیدی هندوستان نینگ حیدرآباد ایالتی ده تحصیلی نی دوام ایتیرگن. اودیدی:« بو گل هم کابل گه ایلک بار کیلگنیم دیک برچه قیینتچلیک لرنی باشدن کیچیردیم و اولرگه غلبه قیلیب هندوستان نینگ مینگ سیمالی مدنیتی بیلن علاه اورنتدیم و حاضر باشقه هر زماندن کوره تجربه لی راق و پیشیغراق بولگن من.» او باشدن کیچیرگن قیینتچلیک لرنی هندوستان نینگ فرقی مدنیتی دن اتب دیدی هندوستان اوته یخشی مملکت، اهالی سی مهربان وصمیمی و هندوستان نینگ عالی اوقویورتی مسوللری افغانستان دن بارگن قیزاوقوچی لربیلن یخشی مناسبت کورسته دیلر. ستاره حمیدی گه کوره هندوستان اهالی سی ، چیتلیک لر بو مملکت دن یخشی تاثیرات وخاطره قالدیریش نی استی دیلر و شونی اوچون خارجی لر بیلن مهربان دیرلر.حقوق بولیمیده عالی تحصیلاتی نی بیتیرگن بو قیز،هندوستان و افغانستان ارا مهم فرق لرحقیده دیدی. هندوستان ده جنسیت اونچه لیک مهم ایمس و هیچ کیم مردم نینگ دین و مذهبی دن سوره می دی. اونگه کوره عککسینچه اما افغانستان ده دین ، مذهب و جنسیت اوته مهم دیر. او شونینگ اوچون قیزوطنداشلریگه هندوستان گه مساعد بولگن تحصیل فرصتی نی هیچ وقت قول دن بیرمسلیک لرینی توصیه قیله دی. چونکه اونگه کوره باشقه بیرمملکت ده تیریکلیک نی تانیب آلیش ادم لردن باشقچه بیرشخصیت تیارلیدی.

ستاره حمیدی حاضر کرونا ویروسی ییرلگنی سبب هندوستان نینگ حیدرآباد ایالتی ده قرنطینه ده حیات کیچیرماقده و مونوگرافی اوستیده ایشلیدی. حقوق رشته سیده تحصیل قیلگن بو طلبه افغانستان عالی اوقویورتلریده هم قیزلر ماسترلیک درجه ده تعلیم کوریش شرایطی مساعد ایتیلیشی نی آرزو قیله دی.