878668

اروپا خوفسیزلیک و همکارلیک تشکیلاتی افغانستان تینچلیک جریانینی قۉللب-قوّتلشینی اعلان قیلدی

neshananews

neshananews

24 July 2021

 اروپا خوفسیزلیک و همکارلیک تشکیلاتی افغانستان تینچلیک جریانینی قۉللب-قوّتلشینی اعلان قیلدی و مملکتده یوزه‌گه کېلیشی ممکن بۉلگن تینچلیک شرطنامه‌لریده عیاللر نینگ حقوقلری و اېرکینلیکلرینی حمایه‌ ایتیلیشی‌ني طلب قیلدی.

اروپا خوفسیزلیک و همکارلیک تشکیلاتی باش کاتبی هلکا شمید اوتکن کونی ( جمعه ۱ اسد) پرتغال پایتختی ویانا ده بۉلیب اۉتگن اوچره‌شووده  افغانستان تینچلیک جریانینی قۉللب-قوّتلشینی اعلان قیلدی.  اوچره‌شوو افغانستان نینگ پرتغال‌ده‌گی اېلچیخانه‌سی تامانیدن اۉتکزیلدی.

 اوچره‌شووده شمید خانیم افغانستان ۴۳ ییللیک کېنگ کۉلملی اوروشدن سۉنگ تینچلیککه اېریشیش وقتی کېلگنینی ایتدی.  اونگه کۉره‌، اروپا خوفسیزلیک و همکارلیک تشکیلاتی افغانستانده دوام اېته‌یاتگن تینچلیک جریانینی مملکتده برقرار تینچلیککه اېریشیش مقصدیده قۉللب-قوّتله‌یدی.

 اروپا خوفسیزلیک و همکارلیک تشکیلاتی باش کاتبی افغانستانده‌گی سۉنگگی ییگیرمه‌ ییل دوامیده‌ اېریشیلگن یوتوقلر، خصوصاً، عیاللر نینگ حقوقلری و اېرکینلیکلریگه توخته‌لیب، اوشبو یوتوقلر تینچلیک جریانیده سه‌قلنیب قالیشی کېره‌کلیگینی قۉشیمچه‌ قیلدی.

 عینِ پیتده طالبان و افغانستان حکومتی اۉرته‌سیده تینچلیک مذاکره‌لری نینگ اوچینچی باسقیچی سېزیلرلی درجه‌ده رواجلنگنی یۉق.  افغانستان حکومتی نینگ یوقاری مرتبه‌لی مقاملری قطرده طالبان وکیللری بیلن هم اوچره‌شگن بۉلسه‌ده، اوچره‌شوو ثمره‌ بېرمه‌دی.

 ملي یره‌شوو عالي کېنگاشی رئیسی عبدالله عبدالله نینگ ایتیشیچه، طالبان اوروش آرقه‌لی سیاسي حاکمیتنی قۉلگه کیریتیش نیتیده.  طالبلر مملکتده زۉرآورلیک اوج آله‌یاتگنی سببلی جمهوررییس غنی حاکمیتدن چېتله‌تیشگه چقیرگن.