ملا عبدالمنان نیازی

طالبان دن اجرلگن گروه رهبري ملاعبدالمنان نيازي ياره لنگن

neshananews

neshananews

12 May 2021

هرات ولايتي محلي رسميلري طالبان دن اجرلگن گروه رهبري ملاعبدالمنان نيازي ياره لنيب هرات شهري شفاخانه لريدن بيري ده دوالنيش اوچون ياتقيزيلگني ني تصديق لشكن.
اسمي ايتيش دن وازكيچگن هرات ولايتي عامه ساغليك اداره سي مسووللريدن بيري نشانه خبر آژانسي گه ايتكن كه ملانيازي اوتكن كيچه( چهارشنبه ٢٢ثور) ادرسكن تومني حدوديده جراحت لنگن. منبع ني علاوه قيليشيچه نيازي جنابلري طالبان جنگچي لري نينگ لايزري قورالي بيلن نشان گه توتيليب ياره لنگن و حاضر ايسه هرات شهريده بير خصوصي كسلخانه ده ياتقيزيليب دوالنماقده. هرات محلي رسميلري حاضرگه قدر بو خصوص ده بيران رسمي معلومات نشر ايتمگن. طالبان هم بو باره بيران نرسه ايتمگن.
ملازعبدالمنان نيازي طالبان گروهي دن اجرلگن بير گروه نينگ رهبري و افغانستان غربيده نفوذلي بير قوماندان دير. او ١٣٩٤ ييلي طالبان نينگ سابق رهبري ملامنصور رهبرليگي ني تن آلمي اوز مستقل طرزده افغانستان غربيده قوراللي فعاليت لريني باشله دي.