افغانستان تشقی ایشلروزیرلیگی گه کوره هندوستان تمانیدن افغانستان خلقی گه یاردم بولگن بوغدای نینگ ایککنچی قسمی ایران نینگ چابهاربندری دن یوکلنیب افغانستان تمان یول آلگن. بو وزیرلیک مسوللری بو بوغدای مقداری ۱۰ تن بولگنی و ۴۳۵ کانتینرگه یوکلنگن دیب ایتکنلر.

 تشقی ایش لروزیرلیگی خبرنامه سیده، بو مقدار بوغدای دن ۳ مینگ تنی نیمروز ولایتی نینگ میلک چیگره سیدن هرات ، قندهار، بغلان و بلخ ولایت لریگه انتقال بیریلیب و شونینگ دیک ۷ مینگ تنی هم چابهاربندری دن یوکلنیب یقین کونلرده افغانستان گه یوباریلیشی تاکیدلنگن.

 بو یاردم لر هندوستان نینگ افغانستان خلقی گه کورستکن ۷۵ مینگ تن لی بوغدای یاردم دن بیرقسمی دیر. بوندن آلدین ۵ مینگ تن بوغدای ثورآیی اولی ده افغانستان گه انتقال بیریلگندی.