اردو: جوزجانده ۲۱ طالبان جنگچیسی اۉلدیریلدی
neshananews
31 July 2021مملکت شِمالیده‌گی ۲۰۹ شاهین قول‌اردوسی نینگ معلوم قیلیشیچه، طالبان کوچلری شبرغان شهری اطرافیده‌گی قیشلاقلرده طالبان موقع‌لریگه اویوشتیرگن هوا هجومیده کمیده ۲۱ جنگری اۉلدیریلگن و ینه اۉن کیشی یاره‌لنگن.
۲۰۹ شاهین قول‌اردوسی نشرایتکن خبرنامه‌سیده یازگنیدېک، اردو کېچه ( جمعه ۸ اسد) سَالزمان، مُرغاب، حسین تابین و ایتمه قلعه قیشلاقلریده‌گی طالبان موقعلرینی نشانگه آلدی. بو قیشلاقلر جوزجان-سرپل شاه‌یولی حدودیده جایلشگن.
بیاناتده، شونینگدېک، هوا هجوملری پیتیده طالبان نینگ بعضی قوراللری یۉق قیلینگنلیگی ایتیلگن.
طالبان حلی گه‌چه بو حقده ایضاح بېرمه‌گن.
طالبان نینگ جوزجان ولایتی مرکزی شبرغان‌گه هجومیدن بیر آی اۉتگه‌چ، اردو هوا کوچلری طالبان نینگ شبرغان اطرافیده‌گی موقع‌ل یگه قرشی هجوملرینی کوچه‌یتیردی.
حاضرگی وقتده اردو اوچاقلری شبرغان آسمانیده طالبان موقع‌لریگه هجوملر اویوشتیرماقده.
اوّلراق، اردو طالبان نینگ جوزجان ولایتیده‌گی اېنگ مهم قوماندانلریدن بیری قاری نقیب‌الله جندي اۉلدیریلگنینی اعلان قیلگن اېدی.
