f95e7079-0393-48fe-8918-f8c7c40e137a

اسم اوخشیشی توتیب فکرلر فرقیگه قدَر؛ ملا عمر تخاري کیم دیر؟

neshananews

neshananews

02 August 2021

 ملا عمر نینگ اسمی تیلگه آلینیشی بیلن، طالبلر رهبری‌نینگ قیافه‌سی شبهه‌سیز مملکت اهالی‌سی خَیالیگه کېله‌دی؛  افغانستانده طالبلر کوچه‌ییشی بیلن خلققه نسبتاً هېچ قنده‌ی ظلمدن تيیلمه‌گن رهبر.  طالبان رهبری ملا محمدعمر زۉروانلیگی، قان تۉکیلیشی، دیني ظلم، عیاللرنی کلتکلشی بیلن، اونینگ باشچیلیگیده‌گی تیزیم دنیا بویلب مشهور ایدی.

 بو ملا عمر بیلن بیر قطارده بونچه‌لیک مشهور بۉلمه‌گن ملاعمرلر کۉپ.  اولر حیاتی دوامیده‌ کۉپ قهرمانلیک، قربانلیک و جسارتنی باشدن کېچیریشگن.  شبهه‌سیز، آدم ینه‌ ایکّی یۉل بیلن مشهور بۉله‌دی؛  بیری یامانلیک چۉقّیسیده، ایکّینچیسی یخشیلیک چۉقّیسیده.  طالبان رهبری ملا عمر یاووزلیک، قان تۉکیش و زۉروانلیک چۉقّیسیده مشهور بۉلیب، ظلم تمثالیگه ایلندی، لېکن یخشیلیک و یخشی نام چۉقّیسیده مشهور بۉلگن باشقه‌ ملالر هم بار.

 مولوی جلال الدین محمد بلخي اۉزیگه خاص سېوگی و تصوف دینی بیلن اۉزینی دنیا بویلب مشهور قیلگن شخص دیر.  اگر بیرار جایده “مولوی” نامی تیلگه آلینسه، دیمک محمدبلخی نینگ صورتی پیدا بۉله‌دی.  ملا عمر تخاري و ملا عمر قندهاري ایکّله‌سینی هم اسمی ملا عمر دیر، لېکن بیری عصیان، قۉزغآلان و شفقتسیزلیک رمزی، ایکّینچیسی اېسه خلقنی اسارت، بغاوت، قل‌لیک و ظلم دن قوتقروچی، آزادلیک، کوره‌ش و رمزی دیر.

 حاکمیت‌طلب ملا عمرگه قرشی اېرکینلیکنی سېوووچی ملا عمر نینگ سیماسینی کۉرسه‌تیش، زۉرآورلیک ساحه‌سیده ملا عمر نینگ اسمی مشهور بولیش یۉلینی یاپه‌دی و باشقه‌ ملا عمر نینگ حرمتلی سیماسینی تصویرله‌یدی.  بیز گپلشه‌یاتگن ملا عمر، تخار ولایتی نینگ خواجه غار تومنیده توغیلگن، او ملا عمر باشچیلیگیده‌گی طالبلرگه قرشیلیک کۉرسه‌تیش نینگ بیرینچی دوریده ملي قهرمان احمد شاه مسعود بیلن خدمت قیلیش و کورش شرَفیگه میسر بۉلگن.

 ۱۳۸۳ ییلدن بېری او طالباندن کېینگی تیزیمده خواجه غار تومن حاکمی بۉلیب ایشله‌گن و تجربه‌لی عسکر صفتیده بو گروهگه قرشی کۉپ مراتبه جنگ قیلگن.  جناب عمر اوزاق ییللر دوامیده‌ طالبانگه قرشیلیک کۉرسه‌تگن و کۉپ ییللر دوامیده‌طالبلر مجاهدین حکومتیگه باستیریب کیرگن پیت‌ده شو گروه‌گه قرشی کوره‌شگن و حاضرگه چه طالبلر بیلن آغیر جنگلرده قتنشماقده.

تخارلیک ملا عمر طالبانگه قرشی بیرینچی قرشیلیک پیتیده مجاهدین تمانیدن طالبان بیلن جنگده هلاک بۉلگن مقومت قوماندانلریدن بیری بۉلگن اکه‌سی قاری امیر نینگ اۉرنیگه تعیینلنگن و ولایتده مقومت جبهه‌لریدن بیرینی باقریان کیلماقده.

 ملا عمر نینگ ایتیشیچه، او طالبانگه قرشی کوره‌ش تجربه‌سیدن سان -سناقسیز سبق آلگن و طالبلر نینگ اۉزباشیمچه‌لیکلری و زۉرآورلیکلرینی بس قیلیشدن باشقه‌ یۉل یۉق، دېگن خلاصه‌گه کېلگن.

 جناب عمر نینگ سۉزلریگه کۉره‌، طالبان اعضالری نه‌فقط انساني قدریتلرگه ایشانچلری یوق؛  عکسینچه‌، اولر نینگ عمل‌لری دیني تعلیماتلرگه هم ضد دیر.  اونینگ سۉزلریگه کۉره‌، طالبانگه قرشی کوره‌شیش شو سببدن خلق نینگ بورچیدیر.

 ملاعمر جنابلری نینگ ایتیشیچه، او تخار ولایتی نینگ خواجه‌غار تومن حاکمی بۉلگنیده، طالبان نینگ ظلم قیلیشدن، وایه‌گه اېتمه‌گن قیزلرنی زۉرلش‌گه‌چه  گواه بۉلگن و هر دایم بو جنایتلرگه قرشی چیققن.

 ملا عمر نینگ قۉشیمچه‌ قیلیشیچه، طالبان تخار تومنلرینی اۉز نظارتیگه آلگنیدن سۉنگ، او و اونینگ قوراللی یولداشلری تخار نینگ ” قره پرچاب” حدودیده گروه‌گه قرشی اوروش جبهه سینی‌آچگن و اۉتگن آیده طالبان نینگ اۉنلب هجوملرینی قَیترگن.

 قوماندان نینگ قۉشیمچه‌ قیلیشیچه، تخارده طالبانگه قرشی خلق مقاومت کۉرسه‌تیشی بیلن برچه‌ مقاومت قوماندانلری خوفسیزلیک کوچلری بیلن همکارلیکده نه‌فقط تخار مرکزی نینگ قوله‌شیگه یۉل قۉیمسلیککه، بلکه‌ یۉقالگن تومنلرنی طالباندن آزاد قیلیشگه وعده‌ بېریشگن.

 جناب عمر نینگ سۉزلریگه کۉره‌، طالبلر افغان خلقی نینگ “مراصاسیز” دشمنی‌دیر و بوگروه گه قرشی هر قندای غفلت و بې‌پروالیگی و گروه جنگچیلریگه میدان بیریش ملي خیانت‌دیر.  جناب عمر نینگ ایتیشیچه، او اۉتگن ۲۰ ییل مابینیده‌ طالبانگه قرشی کوره‌شده بوگروه‌نی یخشی تانیگن و خلقنی طالبلردن قوتقریش اوچون بو گروه‌گه قرشی کوره‌شیشگه تیار دیر.

 قوماندان طالبانگه قرشی برچه‌ ضرور بولگن‌کیلیشو و موافقلشتیریش و اهالی‌نی سفربرلیگی قیلیشی عملی بولگن دیب، آخرگی ایکّی کونده‌ بیر نېچه‌ استقامت‌لرده تازه‌لش عملیاتی باشلنگنینی ایتکن.  او هوادن یاردمی آشیریلیشی آرقه‌لی اولر طالبان نینگ تخار ولایتی مرکزی تالقان شهریگه تهدیدینی برطرف اېتیشیگه و قالگن حدودلرنی تېز آره‌ده گروه نظارتیدن آزاد قیلیشیگه امید بیلدیردی.

 تخار  شِمال -شرقي ولایتلردن بیری دیر که طالبانگه قرشی مقاومت قرارگاهی صفتیده تنیلگن.  بیراق ولایت نینگ اَیریم قِسملری اۉتگن آیده طالبان هجوملری کۉپه‌یگنیدن کېین گروه تامانیدن قۉلگه آلیندی و طالبان تهدیدی ولایت مرکزی تالقان دروازه‌لریگه اېتیب کېلدی.

 تخارده‌گی خلق مقاومت قوماندانلری، اولر بو گروه‌گه قرشی بار کوچلری بیلن کوره‌شه‌یاتگنلرینی و بو ولایت‌ده‌گی اوروش معادله‌سینی امکان قدَر تېزراق خوفسیزلیک کوچلری و افغانستان حکومتی فایده‌سیگه اۉزگرتیریشگه اورینه‌یاتگنلیکلرینی ایتیشه‌دی.