b52-bomber-15

امریکانینگ ب-۵۲ بامباردمانچی اوچاقی طالبان نینگ شبرغان‌ده‌گی موقعلرینی نشانگه آلدی

neshananews

neshananews

08 August 2021

 ملي مدافعه‌ وزیرلیگی رسميلری امریکانی بامباردمانچی(ب-۵۲) اوچاقلری جوزجان ولایتی مرکزی شبرغان‌ده طالبان موقع‌لرینی نشانگه آلگنینی تصدیقله‌دی.

 مدافعه‌ وزیرلیگی سوزچیسی اۉرین‌باسری فواد امان اۉز تویتتېریده یازیشیچه، بو اوچاقلر کېچه‌ کېچقرون ( شنبه ‌ اسد۶) جوزجان فضاسیده اوچیب و طالبان ییغینلرینی بامباردمان قیلگن.

 جناب امان نینگ قۉشیمچه‌ قیلیشیچه، طالبان هوا هجوملری آرتیدن کتّه‌ تلفات کۉرگن.  او تلفاتلر نینگ انیق سانینی ایتمه‌دی، لېکن ۲۰۹ شاهین قول‌اردوسی طالبان نینگ ۲۰۰ دن آرتیق جنگری اۉلدیریلگنی و ۱۰۰ گه یقین یاره‌دار بۉلگنینی ایتکن.

 امریکانی ب-۵۲ بامباردمانچی اوچاقلری افغانستان‌گه امریکا نینگ قطرده‌گی هوا قرارگاهی‌دن جۉنه‌تیلگن اېدی.  هجومچیلر امریکا جمهوررییسی جوبایدن بویروغیگه اساسن یوباریلگن.

 امریکا بیلن توزیلگن تینچلیک بیتیمیده طالبان افغانستانده‌گی شهر و ولایت مرکزلریگه هجوم قیلمسلیککه وعده‌ بېردی.  طالبان، یقینده، تعهدلریگه قره‌مه‌ی هرات، نیمروز و جوزجان‌ولایت مرکزلریگه هجوم قیلدی.  گروه هنوز سرپل ولایتی نینگ مرکزی اېگه‌للش اوچون کوره‌شماقده.