امریکا ترجمانلری نینگ زودلیک بیلن انتقالی اوچون ۱ میلیارد دالر کېره‌ک
neshananews
27 July 2021آق اوی امریکا ترجمانلری و محلي خادملرینی افغانستاندن امریکا گه زودلیک بیلن انتقال بیریش اوچون کانگرس‌دن کمیده بیر میلیارد دالر مبلغ طلب قیلدی.
سی ان ان تلویزیونی بوگون ( سه‌شنبه ۵ اسد) آق اویده‌گی ایشانچلی منبعلریگه ته‌یه‌نگن حالده اۉز حساباتیده اوشبو بودجه نینگ ۵۰۰ میلیون دالری تشقی‌ایشلر‌وزیرلیگی، قالگن قِسمی امریکا مدافعه وزیرلیگی‌گه اجره‌تیلیشینی خبر قیلدی.
خبرده ایتیلیشیچه، آق اوی اوشبو خرجتلرنی امریکا کانگرسی تامانیدن زودلیک بیلن تصدیقلنیشیگه چقیرگن و محلي امریکا حربي خدمتچیلرینی افغانستاندن انتقال جریانینی تېزلشتیریش نیتیده دیر.
خبرده ایتیلیشیچه، حاضرده افغانستاندن امریکا قۉشینلرینی آلیب چیقیش ایشلری یکونلنماقده، محلي ترجمانلر و امریکا حربي خدمتچیلری نینگ مملکتده‌گی خوفسیزلیگی تاباره کۉپراق تهدید بولماقده.
اۉتگن هفته امریکا اردوسیده بیر نېچه ییل ترجمان بۉلیب ایشله‌گن افغانستان اهالی‌سی ننگرهارده طالبان تامانیدن اۉلدیریلدی. اوشبو حادثه چېت اېل کوچلری بیلن ایشله‌گن باشقه ترجمانلرده تشویش اویغاتگن.
