WhatsApp-Image-2020-04-06-at-12.04.42-PM-1-880x550 (1)

ایشگه آلیش و تامینات ده فساد؛ بدخشان مدنی ارگان لر « کووید۱۹ » شفاخانه سی ایشلریدن تنقید لشماقده

neshananews

neshananews

23 May 2020

بدخشان مدنی ارگانلری و شفاکارلرانجمنی مسوللری بو ولایت نینگ «کووید۱۹» شفاخانه سیده ملازم لرنی ایشگه آلیش پروسه سی ، کیرکلی اسباب اسکونه لر، ساغلیک نی سقلش ماده لر تامیناتی و بیمارلرنی سقلش طریقه سیدن نظارت قلیب، ساغلیک سقلش ملازملرنی ایشگه آلیشی و کووید۱۹ شفاخانه سیگه کیرک بولگن اشیا و اسباب اسکونه لرنی ساتیب آلینیشی ده کتته مقیاس ده فساد بولگنی دن علاوه کرونا ویروسی نی یوقتیرگن بیمارلرنی سقلنیشی اوچون ساغلیک نی سقلش معیار و توصیه لریدن هیچ بیری رعایه ایتیلمس لیگی نی آچیقله گن.

 بدخشان ولایتی مدنی جماعه سی ریسی سیف الدین ساییس نشانه خبر آژانسی بیلن صحبت ده دیدی اولرمعلوماتلرگه قول تاپیش قانونی و کرونا ویروسی گه قرشی کورش طرزالعملی گه مطابق،بدخشان ولایتی « کووید۱۹ شفاخانه» سیدن نظارت دستورینی باشله گن لر. اونگه کوره حاصل بولگن معلومات لرگه اساسا بدخشان عامه ساغلیک اداره سی مسوللری، بو شفاخانه ملازملرینی ایشگه آلیش و کرونا ویروسی نی یوقتیرگن و شبهه لی شخص لرنی سقلنیشی و شونینگ دیک بو کسل خانه طبی اسباب اسکونه لری و برچه امکانیت لری بویچه کتته مقیاسده فساد قیلگنی و بیمارلرنی سقلش بویچه عامه ساغلیک وزیرلیگی معیارلریگه ضد عمل قیلگن لردیدی.

بدخشان مدنی جماعه سی ریسی علاوه ایتی:« بخت گه قرشی نیچه آق تون لی شفاکاردن حضوریدن باشقه هیچ ملازم، بو کسلخانه ده یوق ایدی و او نینگ هیچ بیرفعالیتی و وضعیتی قبول قیلینرلی ایمس و مسول ارگانلر کروناگه قرشی کورش سیستملرینی اوزگرتیریب قیته کوریب چیقیش لری لازم.»

  سیف الدین ساییس بو کسلخانه ده کرونا ویروسی نی یوقتیرگن بیمارلرنی سقلنیشی و دوالنیشی اوچون ساغلیک نی سقلش معیارلریدن هیچ بیری رعایه ایتلمگنی نی اورغولب دیدی کرونا ویروسی نی یوقتیرگن وشبهه لی بیمارلر بیر اتاق ده سقلنیب و شفخانه ده یاتقیزیلگن بیمارلرنی هیچ بیریده مخصوص کیم لربیریلمگنی و ویروس نی یوقتیرگن و شبهه لی بیمارلربرچه لری بیرایچیملیک سومنبع سیدن فایده لنیب و کسل لیک نی یوقتیرگن و شبهه لی کیشی لر کسلخانه ملازم و شفاکارلری بیلن بیرگه اولتیریب توریش لری و شونینگ دیک کسل و شبهه لی بیمارلر بیر توالت و حمام دن فایده لنیش لری بدخشان کووید۱۹ شفاخانه سی مهم قیینتچیلیک لری جمله سیدن دیر. بو نظارت هیاتی تاپیشمه لریگه کوره کووید۱۹ شفاخانه سی جدی مراقبت لربولیمی ده بیرچپرکت وکورپه چه و ایککی کمپل دن باشقه هیچ نرسه یوق.

 حالانکه بوندن ایککی هفته آلدین، بدخشان عامه ساغلیک اداره سی مسوللری کووید۱۹ شفاخانه سی اوچون ۴۸ میلیون افغانی مبلغ ده تورلی خیل اسباب اسکونه لر ساتیب آأینگنی دن خبر بیریب و بو اسباب اسکونه لرنی ساتیب آلیش بیلن برچه احتیاج لررفع ایتیلگنی نی ایتکندی لر.

اما حاضر بو شفاخانه ده یاتقیزیلگن بیمارلر دیدیلر بیمارلرگه اوقات، نقاب، ضدعفونی ماده و قول یویوچی ماده بیریلمی دی و علاحیده توالت لرهم نظرگه ایلنمگن. بدخشان کووید۱۹ شفاخانه سیده یاتقیزیلگن بیمارلردن بیری حامد ( مستار اسم ) نشانه خبر آژانسی بیلن صحبت ده دیدی:« برچه مثبت و شبهه لی بیمارلر بیراتاق ده سقلنه دیلر، بو وضعیت ده ساغ آدم لر بو ویروس نی یوقتیریش لری ممکن.» او، بیمارلر ضدعفونی ماده گه قول تاپه آلمگنی دن علاوه عادی نقاب نی تورت کون استفاده قیلیب و مسوللرتمانیدن هیچ قندای قولی لیک بو شفاخانه ده مهیا ایمس دیدی.

  عینی حالده بدخشان مدنی جماعه سی اورین باسری استوری یزدان پرست هم بو شفاخانه ده ساغلیک نی سقلش معیارلری رعایه ایتیلمگنی دن جدی تنقید لیدی.

 اما بدخشان « کووید۱۹ شفاخانه » سی مسوللری بو ادعالرنی رد ایتیب دیدی مدنی جماعه نظارتی، ساغلیک نی سقلش خذمت لر بویچه مسلکی اصوللرگه مطابق ایمس و بو شفاخانه   ایشلری معیاری بولمگنی دن تنقیدلری هم ناتوغری دیر. بدخشان کووید۱۹ شفاخانه سی مسولی شاهدالله دانشی دیدی مسوللر صحی خذمتلر وکرونا ویروسی نی یوقتیرگن بیمارلرنی سقلش و مراقبت قلیش نی عامه ساغلیک وزیرلیگی معیارلریگه مطابق بجره دیلر. دانشی جنابلری علاوه ایتی کرونا ویروسی نی یوقتیرگن و شبهه لی کیشی لر بو شفاخانه ده علاحیده اتاق لرده سقلنه دیلرو نمونه لری نتیجه سی بدخشان گه یوباریلمگن کیشی لر یا تازه لیک ده مراجعه ایتکن بیمارلر علاحیده جای لرده یاتقیزیله دیلر.

ساغلیک نی سقلش ملازم لرایشگه آلینیشی ده فساد

بدخشان مدنی جماعه سی نظارت هیاتی نی ادعا قلیشیچه کووید۱۹ شفاخانه سی ملازملرینی ایشگه آلینیش پروسه سی شفاف ایمس و بو شفاحانه نینگ بیرقطار ملازم لری خیالی طرزده ایشگه آلینگن. بو هیات اعضالریگه کوره بو خیالی شخص لر آی لیک مستحقی بولیب اما اوتکن اوچ آی جریانیده بیر بارهم بدخشان کووید۱۹ شفاخانه سیده کورینمگن لر.بو هیات تاپیشمه لرگه اساساٌ معاش مستحقی بولگن ۱۹۵ کیشی دن فقط ۴۵ کیشی بو کسلخانه ده ایشلی دیلر و قالگن کیشی لردن هیچ خبر یوق.

 بدخشان مدنی فعالی و نظارت هیاتی اعضالریدن بیری اجمل درویش دیدی:« بعضی شخصلرنی تانی من که ایککی جای ده ایشلیدیلرو شونینگ دیک حاضر تحصیل قیله یاتکان کیشی لردن نیچه کیشی کووید۱۹ شفاخانه سیده ایشگه الینگن» اونگه کوره بو کسلخانه ده ایشگه‌آلینگن ۱۹۵ کیشی دن قول برماقلری سانی چه آدم بو شفاخانه گه خذمت کورسته دیلر اما باشقه لرمعلوم ایمس.

بدخشان کووید۱۹ شفاخانه سی مسولی اما مدنی جماعه نظارت هیاتی ادعالرینی رد ایتیب دیدی لر بو شفاخانه نینگ فقط اداری و قوریقچی لریدن باشقه برچه ملازم لری مسلکی کیشی لردیر. اونگه کوره کووید۱۹ شفاخانه سی نینگ برچه ملازم لری نوبتی شکل ده یعنی ایککی ۱۲ ساعتلی شیفت ده ایشلی دیلر. درویش جنابلری علاوه ایتی:« مدنی جماعه نظارت هیاتی نینگ تاپیشمه لری شفاخانه نینگ بیرشیفتی گه تعلق لی و بو ملازم لر ایشگه آلینیشی بویچه فساد ادعا سینی اثبات لشه آلمی دی؛ چونکه شفاخانه ملازم لریدن یریمی سونگی شیفت ده ایشلریگه حاضر بوله دیلر.

 عینی دمده بدخشان عامه ساغلیک ادراه سی ریسی نورخاوری هم، کووید۱۹ شفاخانه سیده ایشگه آلینگن برچه ملازم لر حقیده مردم گه جواب بیریش ده حاضرمن دیدی.

 دارو، طبی ماده لرو اسباب اسکونه لرساتیب آلینیشی ده فساد

بدخشان شفاکارلرانجمنی و مدنی جماعه اعضالریدن عبارت بولگن نظارت هیاتی ادعا سیگه کوره بوولایت کووید۱۹ شفاخانه سیده دارو، طبی اشیالر و اسباب اسکونه لرساتیب الینیشی ده کتته کان فساد بولگن. بو هیات بو خصوص ده فساد بولگنی دن اوندای بیرحالده سوز یوریتماقده که بوندن ایککی هفته آلدین بدخشان محلی حکومتی بو ولایت ده کرونا ویروسی گه قرشی کورش اوچون ۴۸ میلیون افغانی مبلغ بیلن ساغلیک نی سقلش ماده لر و کیرک لی اسباب اسکونه لرساتیب آلینگنی دن خبر بیرگندی.

 بدخشان مدنی فعاللری اما ساتیب آلینگن برچه ماده واسباب اسکونه لر بازارده‌گی نرخ دن ایککی برابر بلند ایکنی دن خبر بیریب بو توغریده بیت المال حیف و میل بولگن دیدیلر.بو هیات قول تاپکن سندلرگه کوره بیرپایه چینایی چپرکت ۴۸ مینگ افغانی و هردانه « ایزیترومایسین» تابلیت ۲۰ افغانی و اکسیجن نی ذخیره قیلوچی بیردستگاه ۸ دن ۹ مینگ افغانی مملکت ده طبی اشیا و دارو واردقیلوچی مسعود حسن ناملی شرکت دن ساتیب آلینگن.

 بونظارت هیات اعضاسی اجمل درویش گه کوره بو چپرکت نی هر دانه سی بازارده ۲۸ مینگ افغانی و هردانه « ایزویترومایسین» تابلیت نرخی هم ۱۰ افغانی و اکسیجن ذخیره قیلوچی دستگاه بها سی ایسه بیرمینگ و ایککی یوز افغانی دیر. درویش جنابلری علاوه ایتی :« بو اشیالرعمده ساتیب آلینگنی اوچون ارزان بولیشی لازم اما بو شفاخانه مسوللری اونی ایککی برابرنرخ ده ساتیب آلگنلر.» اونی معلوم قیلیشیچه برچه ساتیب آلینگن دارو و اسباب اسکونه لربازارده‌گی نرخ گه قرگنده کوپ قیمت دیر و بو موضوع بو توغریده کتته فساد بولگنی دن درک بیره دی.

 بو نظارت هیات شونینگ دیک کوپلب ساغلیک نی سقلش ماده لر جمله دن تازه لیک ده کووید۱۹ شفاخانه سی اوچون ساتیب آلینگن ضدعفونی ماده نی اوچ آی تاریخی دن اوتکن . بدخشان مدنی جماعه سی اورین باسری خانم استوری یزدان پرست هم دیدی « پی پی ای کیت» ناملی شفاکارلرنی مخصوص کیمی نینگ بیرجوره سی بازارده ۳۰۰ افغانی دیر اما بدخشان کووید۱۹ شفانه سی اوچون مسعود حسن شرکتی دن۸۵۰ افغانی ساتیب آلینگن

 مسوللر مناسبتی

بدخشان ولایتی عامه ساغلیک اداره سی مسوللری اما دیدیلر بو اسباب اسکونه و ساغلیک نی سفلش ماده لر محلی اداره تمانیدن تعین لنگن مخصوص هیات تمانیدن ساتیب آلینگن و اولرگه کوره بو اشیالربرچه سی بازارنرخی دن کوره ارزان ساتیب الینگن. بدخشان عامه ساغلیک اداره سی ریسی نورخاوری دیدی:« بیز بو باره ده هیت نینگ تورتینچی کونیده مردم گه راپور بیریب کورسته میزکه بو اشیالرنی ساتیب آلینیشی ده هیچقندای فساد بولمگن.» بدخشان عامه ساغلیک اداره سی ریسی کرونا ویروسی تاپیلگنیدن سونگ و واردات بویچه اورته گه کیلگن قیینتچیلیک لر سبب  بو اشیالرنرخی جهان بازار لریده کوتاریلگن و بو اداره ساتیب آلگن برچه اشیالردن سندی بار و شو سندلرگه اساساٌ مردم گه جواب بیره میزدیدی.

 بدخشان ولایت حاکمی سوزچی سی نیک محمد نظری هم بو باره ده دیدی چیگره لر یاپیلگنی و بازارده ساغلیک نی سقلش اشیا و اسباب اسکونه لرگه نسبتاٌ طلب کوپ بولگنی سبب بو اشیا لرنرخی بازار ده کوتاریلگن. اونگه کوره بدخشان محلی حکومتی هیاتی مملکت بازاریده موجود بولگن ثابت نرخ گه اساساٌ کووید۱۹ شفاخانه سیگه ضرورت بولگن اشیا لرنی ساتیب آلگن و بو خصوص ده  بدخشان اهالی سیگه حساب بیریش ده تیاردیر.عینی حالده بدخشان ولایت کینگاشی ریسی بشیرصمیم کرونا ویروسی گه قرشی کورشده ساغلیک نی سقلش اشیا و اسباب اسکونه لرساتیب آلینیشی و ملازم لرنی ایشگه آلینیشی بویچه کوپ گینه سوالربیلن یوزمه یوز ایکنی دن خبر بیریب  و بو کینگاش هیت دن سونگ بو وضعیت دن ایشانچ حاصل قیلیش اوچون بدخشان کووید۱۹ شفاخانه وضعیتی نی هرتمان له مه نظارت قیلماقچی دیدی.