54674

اېران جمهوررییس و پاکستان باش وزیری اۉرته‌سیده افغانستان حقیده تېلفون آرقه‌لی صحبت

neshananews

neshananews

05 July 2021

 اېران جمهوررییس ابراهیم رېیسی و پاکستان باش وزیری عمران خان تېلفون آرقه‌لی افغانستان حقیده گپلشدیلر.  افغانستان تینچلیک جریانی، اوروش شدّتی و اېران-پاکستان چېگره‌سیده قاچقینلر نینگ قَیته کیلیشی مذاکره‌لر مرکزیده جایلشکندی .

 اېران و پاکستان عامه‌وي اخبارات واسطه‌لری نینگ خبرلریگه کۉره‌، تېلفون آرقه‌لی صحبت کېچه‌ (یکشنبه‌ ۱۳ سرطان) بۉلیب اۉتکن.  ایرنا خبرآژانسی،اېران رسميلری نینگ سۉزلریگه کۉره‌، اېران جمهوررییسی تېلفون آرقه‌لی افغانستانده‌گی خوفسیزلیک حالتینی مهم‌ دېب تعریفله‌گن و افغانستان حکومتی مملکتده تینچلیکنی تأمینلش اوچون کۉپراق حرکتلرنی عملگه آشیریشی کېره‌کلیگینی تأکیدله‌گن.

عینی‌دمده پاکستان باش وزیرلیگی هم بوباره‌ده خبرنامه نشرایتیب، اونده جناب عمران  رییسی‌جنابلرینی اېران نینگ جمهوررییسی اېتیب سه‌یلنگنی بیلن تبریکلب و افغانستانده‌گی خوفسیزلیک بیلن باغلیق وضعیتدن خواطر بیلدیردی.

 اخباراتنامه‌ده یازیلیشیچه، عمران خان اېران جمهوررییس‌گه افغانستانده‌گی خوفسیزلیک وضعیتی نینگ یامانلشووی اېران-پاکستان چېگره‌سیگه قاچقینلر آقیمینی آلیب کېلیشی ممکنلیگی حقیده ایتگن.

 اوشبو تلفونی صحبت‌ده تامانلر اوشبو مملکت خلقی و حکومتی تشبثی بیلن افغانستانده تینچلیک اۉرنه‌تیلیشینی تأکیدله‌دیلر.  جناب خان و جناب رییسی، شونینگدېک، هر ایکّی مملکت افغانستانده تینچلیک اۉرنه‌تیلیشیگه کۉمکلشیشلری دن سوز بیرگنلر.

 جاري ییل جوزا آییده اېرانده جمهوررییسلیک سیلاولری نتیجه‌لری اعلان قیلینگندن بېری پاکستان و اېران حکومتلری رهبرلری اۉرته‌سیده‌گی بیرینچی تېلفون صحبت دیر.  اېران و پاکستان، افغانستانده‌گی اوروش و تینچلیکده مهم رۉل اۉینه‌یدیگن ایکّی قوشنی دولت‌لر دیر.