baiden

بایدن، پوتین‌گه سېویملی کۉزعینکینی ساوغه‌ قیلدی

neshananews

neshananews

17 June 2021

 روسيه جمهوررییسی ولادیمیر پوتین بیلن بیرینچی اوچره‌شوویده امریکا پرزیدنتی جوبایدن اونگه قویاشدن سه‌قلاوچی کۉزعینک‌ني ساوغه‌ بیردی.

 اوشبو قویاشدن سه‌قله‌یدیگن قرا کۉزعینک امریکا قۉشمه‌ ایالتلری پرزیدنتی نینگ سېویملی نرسه‌سی‌دیر.

 جناب بایدن کېچه‌ (چهارشنبه‌ ۲۷ جوزا‌) سېویملی کۉزعینکی بیلن بیرگه بیر سیوملی هیکل هم جناب پوتین‌گه ساوغه‌ قیلدی.

 جناب بایدن اوشبو ساوغه‌نی روسيه‌لیک هم‌کسبی‌گه سویس نینگ ژنوا شهریده‌گی قدیمي سرایده پوتین بیلن اوچ ساعتلیک اوچره‌شوودن سۉنگ تاپشیردی، دېب خبر قیلماقده بی بی سی خبری سایتی.  حاضرچه پوتین جنابلری آمریکا جمهوررییسی‌گه بیران ساوه بیرگنی معلوم ایمس.

 اوّل‌راق روسيه جمهوررییسی ولادیمیر پوتین امریکا نینگ سابق جمهوررییسی دونالد ترمپ بیلن اوچره‌شوو چاغیده اونگه فوتبال تۉپی ساوغه‌ قیلگندی.

 امریکا و روسيه رهبرلری اوچرشو، ایککی‌تمان اۉرته‌سیده عادتي حالگه ایلنگن و هر تۉرت ییلده بیر بار بۉلیب اوته‌دی.  اوشبو اوچره‌شوولرده خلق‌ارا مقیاسده‌گی اېنگ مهم‌ معمالر، جمله‌دن هستوي قورالنی نظارت قیلیش، اقلیم اۉزگریشی و امریکا و روسيه مناسبتلری نینگ کېسکینلیگی کۉپراق محاکمه‌ قیلینه‌دی.

 پوتین و بایدن اوچره‌شووی، ایکّی مملکت اېلچیلری اوی‌گه چقیریلگنیدن تخمیناً اوچ آی اۉتگه‌چ و مسکو و واشنگتن اۉرته‌سیده‌گی جدّي ضدیتلر دوام ایتیب باره‌یاتکان پیتده بۉلیب اۉتدی. ایکّی مملکت نینگ امریکا و روسيه‌ده‌گی اېلچیخانه‌لری هنوزگچه هم یاپیق دیر.