بدخشان

بدخشان محلي حکومتی: طالبان فایده‌سیگه ترغیبات قیلگنلر انیقلنیب، جوابگرلیککه تارتیله‌دی

neshananews

neshananews

25 July 2021

 طالبان فایده‌سیگه اجتماعي ترماقلرده ترغیبات ایشلری قیزیگنی‌دن سۉنگ، بدخشان محلي حکومتی اوشبو ترغیبات‌نی عملگه آشیرگن شخصلر انیقلنیب، حبسگه آلینیشی‌نی اعلان قیلدی.

 بدخشان محلي رسميلر نینگ ایتیشیچه، بیر قطار اجتماعي ترماق اشتراکچیلری ولایت مرکزی فیض‌آبادشهریگه طالبلر هجومی اویوشتیریش احتمالی تۉغریسیده اجتماعي ترماقلرده بیله توریب یاکه بیلمه‌گن حالده خبر نشر قیلیب و اهالی نینگ روحی تینچلیگینی بوزگنی عیلبلوی بیلن حبسگه آلینه‌دی.

 سۉنگگی کونلرده بیر قطار اجتماعي ترماق فایده‌لنووچیلری اهالی‌نینگ روحی خوفسیزلیگینی بوزیشگه حرکت قیلیب و بدخشان مرکزیگه طالبلر نینگ کېنگ هجومی و شهر نینگ طالبلر قۉلیگه اۉتیشی خوفی حقیده معلومات ترقه‌تیش آرقه‌لی کۉپچیلیکنی واهمه گه سالگی.

 اوشبو فایده‌لنووچیلر طالبلر شهرگه هجوم قیلیشگه، تومنلردن قۉشیمچه‌ کوچلرنی سفربر اېتیشگه و طالبان نینگ فیض‌آبادنی قملینی کوچه‌یتیریشگه تۉلیق تیار اېکنلیکلرینی خبر قیلیشه‌دیلر.

 بدخشان ولایت حاکمی سوزچیسی نیک‌محمد‌نظری

ناتۉغری معلوماتلر و چلغیتووچی معلوماتلر نینگ ترقه‌لیشیگه مناسبت بیلدیریب،  بیر قطار اجتماعي ترماقلر خادملری نینگ ناتۉغری معلومات ترقه‌تیشی آدملرده تشویش توغدیرگنینی و محلي حکومت بو باره‌ده عملي رېجه‌لرنی باشقه‌ره‌یاتگنینی تأکیدله‌دی.

 بدخشان ولایت حاکمی سوزچیسی نینگ سۉزلریگه کۉره‌، محلي حکومت، طالبلر نینگ تبلیعاتچیلریگه ایلنگن‌ شخصلرنی اېندی کېچیرمه‌یدی دیب ایتدی.  جناب نظری قۉشیمچه‌ قیله‌دی: “کېچیریم یۉق، دشمن فایده‌سیگه ترغیبات قیلگن بیر قطار آدملر ملي خوفسیزلیک اداره‌لری تامانیدن انیقلنگن و تېز آره‌ده حبسگه آلینیب، محکمه گه تاپشیریله‌دی.”

 بدخشان ولایت حاکمی سوزچیسی، یالغان و چلغیتووچی معلوماتلر ترقه‌تگن و ژورنالیستیک اصوللر و قاعده‌لرینی بیلمسدن طالبلر فایده‌سیگه ترغیب قیلگنلر جوابگرلیککه تارتیلیشینی قۉشیمچه‌ قیلدی؛  اونگه کۉره‌، اولر نینگ بو حرکتی واهمه‌ قۉزغه‌تدی و خوفسیزلیک حالتینی بوزدی.

 طالبان فایده‌سیگه قیلینگن بو شفقتسیز ترغیبات دن تشقری، بیرقطار اهالی، خوفسیزلیک کوچلرینی طالبان نینگ تجاوزکار هجوملریگه قرشی روحیاتینی کۉتاریش اوچون معلومات بېره‌دیگن شخصلر، باشقه‌ اجتماعي ترماق فایده‌لنووچیلردن، چلغیتووچی و تشویشلنرلی معلوماتلر ترقه‌تمسلیککه چقیره‌دیلر.

 هرچند افغانستان حکومتی طالبان معروضه‌چیلری نینگ حبسگه آلینیشی تۉغریسیده بیر نېچه‌ بار آگاهلنتیرگن ایدی، اما حکومت‌نینگ بو توغریده جدّي اېمسلیگی و خوفسیزلیک کوچلریگه قرشی سلبي تشویقات حالتلری آلدینی آلیش‌ده ایجابی اۉزگریشلرگه سبب بولمه‌دی.