وزیر خارجه - امریکا

بلینکن: طالبانگه قرشی خلق‌ارا باسیملرنی بیکارقیلیش نینگ کلیدی مذاکره‌لر میزی آرتیده

neshananews

neshananews

29 July 2021

 امریکا تشقی ایشلر وزیری انتونی بلینکن نینگ ایتیشیچه، طالبانگه قرشی خلق‌ارا باسیملرنی آلیب تشلش کلیدی تینچلیک مذاکره‌لر میزی آرتیده دیر.

 هندوستان تایمز روز نامه‌سی نینگ یازیشیچه، جناب بلینکن کېچه‌ ( چهارشنبه‌ ۶اسد) ینگی دهلی‌ده بۉلیب اۉتگن قۉشمه‌ مطبوعات انجمنیده طالبلر افغان خلقیگه قرشی چوقور وحشيلیک بیلن شغللنگنلیگینی ایتدی.

 جناب بلینکن نینگ قۉشیمچه‌ قیلیشیچه، طالبلر دایما خلق‌ارا قانونيلیکنی و خلق‌ارا هم‌جمعیت بیلن یخشی علاقه‌لرده بۉلیشنی ایستشلرینی ایتگن.  اونگه کۉره‌، اوشبو گروه‌دن چېکلاولرنی‌بیکارقیلیش و طالبان رهبرلری ناملرینی قاره‌ رۉیخطدن آلیب تشلش فقط تینچلیک مذاکره‌لرینی دوام اېتتیریش بیلن ممکن بۉله‌دی.

 امریکا تشقی ایشلر وزیری طالبان نینگ افغانستان‌نی حربي یۉل بیلن اېگه‌للب آلیشگه اورینیشلری حقیده، افغانستان نفرتلنگن حکومتگه اېگه‌ بۉلیشینی و بو خلق‌ارا هم‌جمعیت تامانیدن تن آلینمسلیگینی ایتدی.

 “اگر طالبلر خلق‌ارا قانونيلیکنی قیدیرماقچی بۉلسه، اونده اولر افغانستان خلقیگه نسبتاً یامان مناسبتلرینی تاخته‌تیشلری کېره‌ک”، – دېدی او.

 بو سۉزلر طالبلر سۉنگگی اوچ آی ایچیده مملکت نینگ اَیریم حدودلرینی اېگه‌للب آلگنی سببلی بیر نېچه‌ بار حربي جنایتلر و انسان حقوقلرینی پایمال اېتیشده عیبلنیب کېلینه‌یاتگن بیر پیتده ایتیلماقده.

 انسان حقلرینی کوزتووچی و خلق ارا عفو تشکیلاتی علیحده‌ بیاناتلریده قنده‌هار ولایتی نینگ اسپین‌بولدکتومنی، قندوز و فاریاب ده‌گی جنگلرده بو گروه‌جنگچیلرینی حربي جنایتلر و انسان حقوقلرینی بوزیشده عیبله‌گن.