ترکمنستان، افعانستاندن مرمرتاش ساتیبآلهدي
neshananews
06 June 2021افعانستان تشقیایشلروزیرلیگی ني اعلانقیلیشیچه ترکمنستان، افعانستاندن مرمرتاش ساتیبآلیشده تیارگرلیک کورستکن.
تشقیایشلروزیرلیگی نشر ایتکن خبرنامه سیده، ترکمنستان تشقیایشلروزیری رشید مردوف اوتکن کونی ( شنبه ۱۵ جوزا) افعانستان تشقیایشلروزیری محمدحنیفاتمر بیلن ایلک اوچرشویده ایککی مملکت ارا اقتصادی علاقهلر کینگیشی ده ترکمنستان تمانی تیارگرلیک کورستگنی دن خبربیرگن.
ترکمنستان تشقیایشلروزیری بواوچرشوده، عشقآباد افعانستانده ایشلب چیقاریلهیاتکان مرمرتاشني کتته مقیاسده ساتیب الیشی دن سوزبیرگن.
خبرنامهگه کوره افعانستان تشقیایشلروزیری محمدحنیفاتمر هم هرات ده اوتکزیلگن بو اوچرشوده، افعانستان ۲۰۰ میلیارد دالرگه تینگ صفتلی مرمرتاش کانلریگه ایگه بولگنی ني اظهار ایتکن.
بونگه علاوه ایککی مملکت ارا مهم منطقوی پروژهلر ایشگه توشیریلیشی بو اوچرشوده کوریب چیقیلیب بحث بولگن. خبرنامهگه کوره ترکمنستان تشقیایشلروزیری شونینگ دیک عشقآباد انرژی انتقالی اوچون “تاپ” ناملنگن منطقوی پروژه ایشی باشلنیشی ده تیارایکن لیگیني تاکیدلشکن.
افعانستان و ترکمنستان تشقیایشلروزیرلرینی ایککی کونلیک یغینی، “تاپ” و ” تاپی” پروژهلری داخل ییریک منطقوی پروژهلر ایشگه توشیریلیشی بویچه اوتکن کونی هراتده باشلنگندی. بو یغین بوکون یکونلنهدی.
