5089342

جنرال فرانک مکنزی امریکانی افغانستانده‌گی کوچلری نینگ قوماندانی اېتیب تعیینلندی

neshananews

neshananews

03 July 2021

امریکا مدافعه وزیرلیگی یا پنتاگون، جنرال فرانک مکنزی  امریکانی افغانستانده‌گی‌حربی کوچلری نینگ باش قوماندانی اېتیب تعیینلنگنینی اعلان قیلدی.

 امریکا مدافعه‌ وزیرلیگی سوزچیسی جان کربی اوتکن کونی (جمعه‌ ۱۱ سرطان) واشنگتن‌ده مطبوعات انجمنیده جناب مکنزی امریکانی افغانستانده‌گی کوچلری نینگ باش قوماندانی بۉلگنینی ایتدی.

 بوندن آلدین جنرال مکنزی امریکا‌ قۉشمه‌ شتاتلری‌نینگ مرکزي قوماندانلیگی باشلیغی بۉلیب ایشله‌گن.

 جناب کربی، خارجی قوتلرنی افعانستانده‌گی باش قوماندانی اسکات  مِیلر کیله‌سی بیر آی گه قدر اۉز لوازمیده قالیشینی قۉشیمچه‌ قیلگن.  اما اونینگ سۉزلریگه کۉره‌، جناب مِیللر نینگ اوروش بویچه مسولیتلری جنرال مکنزی‌گه تاپشیریلگن.

 پنتاگون سوزچیسی‌نی تأکیدلشیچه، افغانستانده‌گی امریکا کوچلری نینگ وظیفه‌سی اېندی اقش دیپلوماتلرینی حمایه‌ قیلیش و افغان خوفسیزلیک کوچلری بیلن مناسبتلرنی دوام اېتتیریش ده خلاصه بوله‌دی.

 امریکانی فغانستانده‌گی حربی کوچلری قوماندانلیگیده‌گی بو اۉزگریشلر، اوشبو کوچلرنی افغانستاندن تۉلیق چیقیش جریانی ینه‌ بیر آی ایچیده رسماً توگه‌یدیگن پیتگه تۉغری کېله‌دی.  بیراق، پنتاگون امریکا نینگ یوزلب حربيلری کابولده قالیشینی تصدیقله‌ماقده.