بوش

جورج بوش: امریکا و ناتو قۉتلری نینگ افغانستاندن چیقیب کېتیشی خطا دیر

neshananews

neshananews

14 July 2021

 امریکاقۉشمه‌ ایالتلری سابق جمهوررییسی جورج‌دبلیوبوش خارجي قۉشینلر نینگ افغانستاندن تۉلیق آلیب چیقیلیشیگه قرشی اېکنلیگینی بیلدیردی.  اونگه کۉره‌، افغانستاندن خارجي قۉشینلرنی آلیب چیقییش خطا دیر.

 امریکانینگ ” سی. بی. اس” تلویزیون کانالی بوگون ( چهارشنبه‌ ۲۳سرطان ‌)  بوش‌جنابلریدن اقتباس کېلتیریب نشرایتکن خبریده افغانستاندن خارجي قۉشینلر نینگ چیقاریلیشی اوشبو مملکت اهالی‌لری اوچون قیین شرایط‌لرنی یره‌ته‌دی.

 جناب بوش نینگ تأکیدلشیچه، امریکا و ناتو کوچلری افغانستان‌نی اوندای بیرحالده ترک اېتماقده که مملکتده عیاللر و باله‌لر عقل باور قیلمه‌یدیگن طالبلر زۉرآورلیگینی باشدن کچیرماقده.

 امریکا نینگ سابق پرزیدنتی اوشبو کوچلر افغانستانده برقرارلیکنی تأمینلش و  تروریزم تهدیدینی آلدینی آلیش اوچون هنوزگچه بو مملکت ده ایشلرینی دوام اېتریشی‌نی تأکیدله‌ماقده.

  خارجی قوتلرنی افغانستاندن تۉلیق چیقیش جریانی شو ییل می آییده امریکا حکومتی بیلن طالبان کېلیشوویگه بناءً باشلنگن اېدی.

 امریکا قۉشمه‌ ایالتلری نینگ معلوم قیلیشیچه، امریکا قۉشینلری نینگ ۹۵ فایزی افغانستاننی ترک اېتگن.  امریکا نینگ برچه‌ قۉشینلری ینه‌ بیر آی ایچیده افغانستاننی تۉلیق ترک اېتیشلری کوتیلماقده.

 خارجی قۉتلر افغانستان‌ني اندای بیرحالده ترک ایتماقده که سۉنگگی ایکّی آی ایچیده تومنلرنی اېگه‌للب آلیش اوچون طالبان هجوملری کوچه‌یگن.  طالبان عیاللر آزادلیگی گه قرشی دیر‌  امریکانینگ افغانستانگه باستیریب کیریشی نینگ مقصدلریدن بیری انسان‌حقلری عیاللر نینگ حقوقلری و اېرکینلیکلرینی تأمینلش اېدی و بو اېرکینلیکلر اېندی ینه‌ خوف آستیده قالماقده.