جوزجان

جوزجان‌ده طالبان رهبریتی سطحی‌ده خارجي جنگریلر موجودلیگی

neshananews

neshananews

29 July 2021

 جوزجان ولایتی‌ده‌گی اردوسی رسميلری نینگ ایتیشیچه، طالبان باشچیلیگیده‌ بیر قطار خارجي جنگچیلر جوزجان ولایتیده موجود دیر.  اولرگه کۉره‌، پاکستانلیک نفقه‌گه‌ چیققن شیخ مطیع‌الله جوزجانده طالبان جنگچیلرینی باشقه‌ره‌دی.  بیراق، طالبان گروهی،بو گروه نینگ اوروش رهبریتیده خارجي جنگریلر بارلیگینی رد اېته‌دی.

 جوزجان ده‌گی ۲۰۹ شاهین قول‌اردوسی نینگ ایککینچی لو قوماندانی، دگروال غنی نظامی بوگون (پنجشنبه‌‌ ۷  اسد) نشانه خبرآژانسی بیلن صحبت ده، پاکستانلیک حربی شیخ مطیع‌الله جوزجان ولایتیده اوروش‌ني باشقریش و رهبرلیک درجه‌سیده فعالیت قیلیشی‌نی تصدیقلشکن.

 جناب نظامی شیخ مطیع‌الله دن طالبان نینگ جوزجان‌ده‌گی قوماندانی صفتیده تیلگه آله‌دی که، جنگلر جوزجان ولایتی مرکزی شبرغان اطرافیده‌گی قیشلاقلرگه ترقه‌لگن.

 ۲۰۹ شاهین قول‌اردوسی نینگ ۲ -بریگادس۲ایککینچی لوا قوماندانی جوزجان ولایتی نینگ درزاب تومنیده بیر قنچه‌ اۉزبېک جنگچیلری بارلیگینی تصدیقلب، بو چېت اېلّیک جنگچی‌لر عایله‌لر نینگ بیر قِسمی نيچه وقت آلدین فاریاب ولایتی قَیصار تومنی نینگ خواجه کېنتی قیشلاغیگه جایلشیب آلگنی ایتدی.

 حاضرده، جوزجان ولایتی نینگ درزاب تومنی طالبان جنگریلری نظارتی آستیده دیر.  شونینگدېک، بو تومنده بیر قطار اۉزبېکستان‌لیک جنگچیلری نینگ عایله‌لری بارلیگی حقیده خبرلر بار.  جناب نظامی شوحاضر اردو قوتلری جوزجانده کۉپ سانلی چېت اېلّیک جنگچیلر بیلن اورشیب کیلماقده ديدي.

بوندن آلدین هم اردو رسميلری جوزجان ولایتیده طالبان صفی‌ده چچنستانلیک، تاجیکستانلیک و پاکستانلیک جنگچیلر بارلیگی حقیده سوز یوروتکن‌دیلر.

 اوّل‌راق طالبان سوزچیسی ذبیح‌الله مجاهد، شیخ مطیع‌الله افغانستان اهالی‌سي ایکنی ني ایتکندی.  طالبان گروهی قوماندانی صفتیده شیخ مطیع‌الله بارلیگینی تصدیقله‌گن جناب مجاهد پاکستان بیلن علاقه‌سی یۉقلیگینی تاکیدلشکندی.

 عینِ پیتده، ۲۰۹ شاهین قول‌اردوسی یقینده شبرغان اطرافیده‌گی قیشلاقلرده طالبان موقع‌لریگه اویوشتیریلگن هوا هجومیده ۳۷ طالبان جنگچیلری، جمله‌دن بو گروه‌نینگ قیزیل قطعه‌سي قوماندانی مولوی زرداد و طالبان نینگ کتّه‌ قوماندانی ملا سردار اۉلدیریلگنینی اعلان قیلدی.