ولسوالی-آقچه

جوزجان ولایتی آقچه تومنی اقتصادی قملده آلینگن

neshananews

neshananews

29 May 2021

اون کوندن بویان آقچه تومنیگه یتیب باره‌یاتکان یول، امنیتی قوتلر و طالبان ارا توقنشولر دوام ایتیب باریشی سبب باغلنگن. طالبان گروهی بلخ – جوزجان شاه یولی ایریم قسملریده امنیتی قوتلر حربی عملیاتلریگه توسیق یرتیش اوچون ماین جایلشتیرگن.
بو وضعیت دوام ایتیب باریشی آقچه تومنیگه، بلخ ولایتی و شبرغان شهریدن آذوقه یتکزه‌یاتکان یوللرنی یاپیلیشگه سبب بولگن. یول آچیلیشی اوچون امنیتی قوتلر و طالبان ارا قوم باشلیغ و آقسقاللری واسطه چیلیگی هم حاضرگه قدر ایجابی نتيجه بیرمگن.
بو تومنده جدي تهدیده آستیده بولگن بیرقطار قشلاقلر یوزلب یشوچیلری باشقه منطقه لرگه هم آواره بولگن.
آقچه تومنی ۱۲۰ مینگ کیشی دن کوپراق جمعیت گه ایگه و بو تومن یشوچیلری حاضرچه یمان اقتصادی و امنیتی احوالده کون کیچرماقده. جوزجان ولایتی قاچقینلر اداره سي مسوولریگه کوره آقچه تومنی یولی آچیلگن تقدیرده بشری یاردملرنی یتکزیش ده تیارمیز دیب ایتکن.
آقچه تومنی یشوچیلری بو تومن نینگ یمان اقتصادی وضعیتی دن خواتیرده دیلر. جوزجان ولایت کینگاشی اعضاسی بسم‌الله ساحل نشانه خبرآژانسی بیلن صحبت ده بیز اهالی تشویش و خواتیرلرینی محلی حکومت رسمیلری بیلن شریک قیلگن میز دیب ایتکن. ساحل جنابلری بو وضعیت دوام ایتیب باریشی آقچه یشوچیلریگه اقتصادی فاجعه توغدیریشی ممکن دیب ایتکن.
جوزجان ولایت کینگاشی بو اعضاسی علاوه ایتی اون کون دن بویان بو تومن مرکزیگه آذوقه تاشی‌یاتکان هیچ بیر نقلیه واسطه بارمگن. ساحل جنابلری، طالبان آقچه قوم باشلیغ و آقسقاللریگه اگر دولت تمانیدن یولگه قویلگن حربی عملیات توختتیلسه آقچه یولینی ترافیک یوزیده آچیلیشی گه رخصت بیره‌میز دیب ایتکن. طالبان آقچه یولیده دولتی ملازملرنی باردی کیلدی سي آلدینی آلیش مقصدیده پوسته ايجاد ايتيش ني قصد قیلگن.
جوزجان ولایتی امنیتی و مدافعوی قوتلر رسمیلری اما طالبان نینگ بو طلب لرینی قبول ایتمگن لر.
جوزجان پولیسی سوزچیسی مسعود ندیم امنیتی و مدافعوی قوتلر حربی عملیاتلری آقچه تومنیده دوام ایتماقده و کیله‌جکده هم دوام‌ایته‌دي دیب ایتکن.
امنیتی و مدافعوی قوتلرنی حربی عملیاتلری “شاهین ۲۴۱” اسمیده آقچه حدودیده اوندای بیرحالده باشلندی که طالبان آقچه تومنی قتناو یولیگه دولتی قوتلر باردی کیلدی سي آلدینی آلیش مقصدی اوچون ماین جایلشتیردیلر. طالبان جنگچی لری حربی عملیاتلر آلدینی آلیش اوچون بو یولنی بعضی حدویده ییریک چوقرلر هم قازاگنلر.
بونگه قره‌مسدن ملي اردو قوتلری حربی عملیاتی قچان‌گه‌چه دوام ایتیشی معلوم ایمس. محل یشوچیلری اوروش تمانلریدن بو تومن نینگ اقتصادی قمل و محاصره سي یکونلنیشی طلب ایتکنلر.