جی هفت

“جی- ۷” گروهی قشاق‌مملکت‌لرگه بیرمیلیارد دوز کرونا واکسنی یاردم بیره‌دی

neshananews

neshananews

14 June 2021

دنیانی ۷ بای مملکتلری یا(جی – ۷) قشاق مملکت‌لرگه بیر میلیارد دوز کرونا واکسنی یاردم بیریش دن سوز بیرگنلر.

بریتانیا باش وزیری بوریس جانسون اوتکن کونی ( یکشنبه ۲۳ جوزا) تویتر‌صحیفه‌سیده بیر ویدیو نشرایتیب یازگن کروناویروسی واکسنی‌نینگ بو ییریک یاردمی اوتکن‌کونلرده جی ۷ گروهی رهبرلرینی اوچرشویده کوریب چیقلگندی.

جانسون‌جنابلری، جی – ۷ گروهی دنیا بویلب کروناویروسی گه قرشی کورش‌ده تعهدی کوچلی بولگنی تاکیدلب و شو سبب‌دن بو کتته یاردم‌ني مساعد ایتیش‌ده قرار آلگن دیگن.

بوندن آلدین دنیا یوزدن آرتیق سابق جمهوررییس و باش‌وزیرلری جی -۷ گروهی‌دن قشاق مملکتلرگه کروناویروسی واکسنی‌نی تکین ترقتیشی‌ني طلب ایتکن ایدیلر‌.

جانسون‌جنابلری اقلیم اوزگریشی گه قرشی جدي کورش‌ني جی – ۷ گروهی‌گه اعضا بولگن مملکتلر رهبرلرینی سونگی یغینیده بحث بولگنی‌ني هم تاکیدلشکن‌. بو ۷ بای مملکت مقاملری حاضرگه‌قدر بو باره‌ده تفصیلات بیرمگنلر‌.

امریکا، کانادا، بریتانیا، آلمان، فرانسه، ایتالیا و جاپان جی – ۷ گروهی اعضالری یا دنیانی ییریک اقتصادی‌گه ایگه بولگن مملکت لر دیر. بو مملکت رهبرلری ایککی کون آلدین بریتانیاده اوچرشیب یغین اوتکزگندیلر.