حامد کرزی: هرات اهالیسی نینگ تونگی تکبیر آوازلری ملي قۉزغآلان پیدا بۉلگنیدن دلالت‌دیر
neshananews
03 August 2021سابق جمهوررییس حامد کرزی نینگ ایتیشیچه، هرات اهالیسی نینگ تونگی تکبیر آوازی چېت اېلّیکلر تامانیدن جاري قیلینگن اوروشگه قرشی ملي قۉزغآلان پیدا بۉلگنیدن دلالتی دیر.
جناب کرزی بوگون ( سه‌شنبه ۱۲ اسد) اۉزی نینگ تویتتر-ده‌گی صحیفه‌سیده هرات اهالیسی نینگ تونگی تکبیر آواز کۉتارگنی حقیده یازگن، بو خلق نینگ حاضرگی اوروشدن نفرتلنیشینی کۉرسه‌ته‌دی.
جناب کرزی نینگ قۉشیمچه قیلیشیچه، بو حرکت جناب کرزی چېت اېلّیکلرگه قرشی اوروش دېب اته‌گن حرکت‌گه قرشی ملي قۉزغآلان پیدا بۉلگنیدن دلالت بېره‌دی.
سابق جمهوررییس طالبان‌نی آدملر نینگ اۉز -اۉزیدن قۉزغآلانینی جدّي آگاهلنتیریش صفتیده قبول قیلیب، اوروش و ویرانه‌گرچیلیکنی تاخته‌تیشگه چقیره‌گن.
تأکیدلش جایزکی، کېچه تونده طالبلر نینگ هرات شهریگه هجومی بیلن بیر وقتده، بو شهر اهالیسی مملکت خوفسیزلیک کوچلرینی قۉللب -قوّتلش اوچون الله‌اکبر آوازلرینی کۉتاریشدی.
کابلده هم بو چاره مملکت خوفسیزلیک کوچلرینی قۉللب -قوّتلش اوچون کېنگ قۉللنیلیشی ایتیلماقده. بو آره‌ده کېچه جمهوررییس غنی طالبانگه قرشی عمومي سفربرلیک اعلان قیلدی.
