امریکانی افعانستان تینچلیک آقیمی اوچون مخصوص نماینده‌سي زلمی‌خلیل‌زاد، افعانستان دولتی و طالبان گروهی جدي، نتیجه‌بیراتکان و اوروش‌گه نقطه‌قویاتکان مذاکره و سوزلشونی باشلشلری کیرک دیر دیب اظهار ایتکن.

ملي يرشيش عالي کینگاشی بوکون ( یکشنبه ۱۶جوزا جوزا) نشر ایتکن خبرنامه‌سیده، بوموضوع‌ني خلیل‌زاد جنابلری بو کینگاشی ریسی عبدالله‌ عبدالله جنابلری بیلن اوچرشو‌ده بیان ایتکنی دن خبربیرگن.

خبرنامه‌گه کوره خلیل‌زاد‌جنابلری بو اوچرشوده، افعانستان تینچلیگی اوچون خلق‌ارا اتفاق و اجماع شکیللنگنی و واشنگتن‌هم بو یونلیش‌دن جدي حمايت و ارقه‌داشلیگی قیلیشی‌دن ایشانچ بیلدیرگن.  او افعانستان ده زوروانلیک و ناقرارلیکلر کوپیگنی‌دن تنقیدلب افعانستان دولتی و طالبان گروهی مملکت ده شدت‌آلگن توقنشولرنی کمیتیریب اوروش‌گه نقطه قویش مقصدیده جدي و نتیجه‌بیراتکان سوزلشو و مذاكره‌ني باشلش‌لری کیرک‌دیب ایتکن‌.

خلیل‌زادجنابلری صلح موضوع‌سي اوچون سياسي اجماع و اتفاق شکللنیشی گه تاکیدلب دولت دایره‌سیده سیاستچیلر اتفاقی، صلح آقیمیده مثبی تاثیر یتکزه‌آلیشنی اورغولشکن.‌

خلیل‌زاد‌جنابلری بوکون ایرته‌لب کابل‌گه کیلیب و جمهوررییس محمداشرف‌غني‌جنابلری بیلن اوچرشیب ملاقات قیلگن. امریکا‌تشقی‌ایشلر‌وزیرلیگی معلوماتیگه کوره خلیل‌زاد‌جنابلری کابل‌ده افعانستان‌نینگ بیرقطار سياسي رهبرلری بیلن سوزلشکن‌دن سونگ قطر پایتختی دوحه‌گه سفر قیلماقچی‌.

خلیل‌زاد‌جنابلری‌نینگ بو سفری اوندای بیرحالده باشلنگن که افعانستان دولتی نینگ مذاكره‌قیلوچی هیاتی اعضالری اوتکن هفته قطرگه باردیلر‌. طالبان و افعانستان دولتی نینگ مذاکره‌قیلوچی هیات اعضالری ارا سوزلشولر دوحه ده قیته باشلنیشی کوتیلماقده.