سفارت ایران در قطر

دوستلیک دن دشمنلیک گه چه؛ ایران طالبان دن نمه ایستیدی؟

neshananews

neshananews

02 December 2020

یازوچی: ابومسلم خراسانی

ایران نی قطردهگی ینگی ایلچیسی حمیدرضا دهقانی، طالبان گروهی نی قطرده‌گی سیاسی دفتری عالی رتبه‌لی اعضالری بیلن اوتکزگن اوچرشوی تصویرینی نشر ایتیب یازگن طالبان سیاسی دفتری اعضالری ایران نینگ قطرده‌‌گی ینگی ایلچی سی تعینلشگنی نی «خوش کیلدینگ» ایتکن. ایران نینگ قطرده‌گی ایلچیلیگی عینی دمده طالبان، ایران نینگ یدرایی دانشمندی محسن فخری زاده ترورینی قارلشیب و بو واقعه نی ایران وطنداشلریگه بیر ییریک ضایعه دیب قیغوداشلیک بیلدیرگنی نی یازگن.

ایران نی طالبان گه نسبتن بو حرکتی اوته مرکب و احتیاط لی قره گه ایگه و طالبان اعضالرینی بو مملکت نی قطرده‌گی ایلچی سی بیلن اوچرشوی بو گروه بیلن بو مملکت نی اوته مرکب علاقه سیدن حکایت ایته دی. اما اساسی سوال بو که ایران طالبان دن نمه ایستی دی؟ وقندای اوتکن کون ده‌گی بو دشمن بوکون یقین دوست گه ایلنگن؟

طالبان افغانستان نی ایگللب الگن پیت ده ایران نی مزارشریف ایلچی خانه سی اعضالرینی دهشتلی طرزده آتیب اولدیردیلر و حتی ایران افغانستان گه قوراللی هجوم اویشتیرماقچی ایدی. هرچند بو قتل پاکستان لیک طالبان تمانیدن عملی بولگنی ایتلگندی. اما ایران دیپلماتلری افغانسان ایچکری سیده سلاخی بولگندیلر؛ افغانستان هم طالبان حاکمیتی آستیده ایدی. باشقه تماندن، افغانستان شیعه مذهب وطنداشلری طالبان تمانیدن آزار و اذیت بولگنی ایران و طالبان ارا اختلاف لرنی کوپیتیرگندی و طالبان افغانستان ده حاکمیت سورگنی مدتی ده ایران و طالبان علاقه سی اوته آز ایدی. شونینگ دیک ایران شمال جبهه سیدن حمایت ایتردی و بوندن مقصد ایسه طالبان حاکمیتی نی نابود ایتیش ایدی.سونگره امریکا طالبان تیزیمی نی افغانستان ده آغدیریش اوچون بو مملکت ده حربی هجوم قیلدی و بو هجوم ده ایران امریکایی لرگه یاردم قیلدی.

اما ایران و طالبان ارا علاقه، امریکا و ایران ارا تارتیشولر منطقه ده کوپیگنی دن سونگ قیته تیکلندی و ایران هم بو وقت ده اوندای بیر سیاست نی الغه سوردی که امریکایی لر روسلرنی افغانستان ده ضربه اورش اوچون تن آلگندی. باشقه تماندن منطقه داعش گروهی قوت آلیشی و بو گروه نی قرا بیرقی افغانستان ده تیکلنگنیشی بیلن، ایران طالبان بیلن اوز ارا علاقه لرینی مستحکم قلیش ده یوز توتی و بیرمدت دن سونگ بوگروه نینگ بیرقطار رهبر و قوماندان لری ایران گه سفر قیلیب و ایران نینگ سپاه پاسداران قوتلری قوماندان لری اوچرشیب سوزلشولرنی باشله دیلر.ایران طالبان بیلن یقین را بولیش بیلن نیچه مهم مقصدنی ایزلماقده. ایران لیک مقاملر یخشی لیکده بیله دیلرگه طالبان بیر جنگچی گروه اوله راق افغانستان نینگ کیله جک تیزیمی ده رول اوینی دیلر و حاضرچه افغانستان توپراقی دن بیر قسمی ده حکم سورماقده لر.

بیرینچی دن ایران نینگ طالبان دن اینگ مهم طلبی امریکا قوتلرینی افغانستان دن چیقاریش دیر.خلق ارا سیاست مقیاسیده ایران طالبان دن سیاسی و حربی حمایتلرینی دوام ایتیریش بیلن امریکا حربی لرینی افغانستان دن چیقاریش ده سعی قیلماقده. یعنی اوشه سیاست که نیچه قت آلدین امریکایی لر سابق شوروی نی افغانستان دن چیقاریش اوچون ایشلتیلر.بیرتماندن ایران طالبان نینگ قیته قدرت گه ایرشیشی دن تشویش ده دیر و باشقه تماندن بو گروه دن حمایت قیلیش بیلن امریکانی افغانستان توپراقی دن چیقیش دن سونگ حقارت قلیش نی کوتماقده. بو سیاست ایسه اورته شرق توقنشولری بویچه ساووغ اوروش نینگ حرکتلریگه اوخشی دی.

ایچکی حرکت لر دایره سیده ایران طالبان بیلن اوز ارا علاقه لرینی مستحکم لنتیریش دن ایککی مقصدنی ایزلیدی. بیرینچی ایران داعش گروهی جنگچی لری ایران چیگره لریدن اوتیب بو مملکت ایچکری سیده یول تاپیش دن قورقیش دن طالبان بیلن علاقه اورنتکن و بو گروه گه قرشی کورشده طالبان جنگچی لریدن فایده لنه دی. شو سبب دن امریکایی رسانه لرگه کوره ایران طالبان گه حربی یاردم لر مساعد ایته دی. بو یاردم بیر تماندن داعش گه قرشی کورش ده استفاده بوله دی و باشقه تماندن امریکا گه قرشی جدی را حربی باسیم یتکزیش ده قولنه دی. ایککی ییل آلدین فراه ولایت حاکمی ایران طالبان گه قورال یرق یاردم بیریشی و سپاه پاسداران ایریم اعضالری طالبان گروهی جنگچی لریگه حربی تعلیمات بیریش نی ایتکندی.

ایککینچی دن طالبان افغانستان نینگ کیله جک سیاسی تیزیمیده مهم رول اوینش لرینی ایران انگللب و ملی منفعتی و شیعه لردن حمایت ایتیش اوچون طالبان بیلن اوز ارا علاقه لرینی مستحکم سقلش دن سعی قیلماقده. بونگه علاوه ایران طالبان دن اوز مقصدلریگه قول تاپیش اوچون فایده لنیشی و اوز نفوذینی منطقه ده کینگیتریشی ده اورینیشی هیچ کیم گه سیر ایمس. ایران نینگ منطقه ده نفوذی خطرلی و ضررلی دیر و ممکن افغانستان ده مذهبی تارتیشولرگه سبب بولسه. شو جهت دن طالبان ایران گه یقین لش بیلن نه فقط زوروانلیک لرنی کمیتیرش ده موفق بوله آله دی بلکه توقنشولر زمینه سی اوتمش دن کوره کوپراق بولیشی ممکن. تاریخی تجربه لر و عامه توشینچه لرگه قرگنده بیر قدرتلی دشمن گه قرشی کورش اوچون قدیمی دشمن لرنی اتفاقداشلیگی اوزاق مدت ده دوام ایتمی، نابود بولیشی هم ممکن.