photo_2021-04-19_01-55-24

رحمانی: سیاسی‌رهبرلر و امنیتی اداره‌لر طالبان هجوملریگه قرشی عموم اهالی‌نی بیرلشیش زمینه‌سینی مساعد ایتسین‌لر

neshananews

neshananews

14 June 2021

افغانستان ولسی‌جرگه رییسی میررحمان‌رحمانی، اولسوال‌لیکلر قوله‌گنی بویچه طالبان‌نینگ کون‌سیون آرتیب‌باره‌یاتکان هجوملریگه نسبتن مناسب بیلدیریب سیاسی‌رهبرلر و امنیتی اداره‌لر، اوزلریدن مدافعه ایتیش اوچون عموم اهالینی بیرلشیش زمینه‌سینی مساعد ایتیشلرینی طلب ایتکن.

رحمانی‌جنابلری بوکون ( دوشنبه ۲۴ جوزا) ولسی‌جرگه عمومی یغینده بو‌موضوع ني اورته‌گه قویگن‌. رحمانی جنابلری ولسی‌جرگه‌ني امنیتی و مدافعوی کمیسیونی‌دن مملکت امنیتی اداره‌لریده‌گی کمچیلیک‌لرنی تیکشیریلیشی‌ني ایستشکن.

ولسی‌جرگه رییسی،طالبان هجوملریگه قرشی و بوهجوملر آلدینی آلیش‌ده اهالینی بیرلشتیریلیشی‌ني فایده‌لي بهالب  حکومت‌رهبرلری و امنیتی اداره مسووللریدن طالبان‌گه قرشی اهالینی بیرلشتیریلیشی گه زمينه یرتیشلرینی طلب ایتکن.

تازه‌لیک‌ده جمهوررییس‌نینگ سابق معاونی مارشال‌عبدالرشید‌دوستم مملکت شمالی ولایت‌لریده طالبان هجوملری کوپیگنی آرتیدن اوروش‌نینگ بیرینچی خطی ده بارگنی دن خبرلر نشر بولدی‌.

بو بیلن عینی‌زمانده اسلامی جمعیت‌حزبی‌دن اجرلگن قنات رییسی عطامحمدنور هم طالبان‌گه قرشی مارشال‌دوستم و محمدمحقق بیلن بیرگه‌لیکده بیر اوروش جبهه‌سي ايجاد ایتیلیشی‌ده تیارگرلیک کورستکن.

بو ینگی‌حرکت‌لر اوندای بیرحالده یولگه قویلماقده‌که افعانستان‌دن خارجی قوتلرنی چیقیشی‌ باشلنگنی‌دن قرغ‌کون اوتر، مملکت‌نینگ اون بیش اولسوال‌لیگی امنیتی‌قوتلر کنترولی‌دن چیقیب طالبان نظارتی‌گه اوتکن.