646664

روسيه امریکا حربي کوچلری نینگ مرکزي آسیاگه جایلشیشی‌گه قرشی چیقدی

neshananews

neshananews

14 July 2021

 روسيه رسميلری‌افغانستاندن امریکا قۉشینلری آلیب چیقیلیشی یکونلنیشی بیلن عینی زمانده، امریکانینگ بیر قطارحربيلرینی مرکزي آسیاگه جایلشتریلیشی ده قرشی اېکنلیکلرینی اعلان قیلیشدی.

 آسوشیتدپرس خبرآژانسی بوگون ( چهارشنبه ‌۲۳ سرطان) خبر بېریشیچه، روسيه تشقی ایشلر وزیری نینگ اۉرین‌باسری سرگی رایبکوف بو باره‌ده امریکانی آگاهلنتیرگن.

 خبرگه کوره رایبکوف‌جنابلری، روسيه مرکزي آسیاده بیر قطار امریکا قۉشینلری نینگ جایلشتیریلیشیگه قرشی دیر دیگن.

اونگه کۉره‌، روسيه جمهوررییسی ولادیمیر پوتین امریکا جمهوررییسی جوبایدن بیلن اوچره‌شوویده اوشبو مسأله‌نی الّه‌قچان ایتیب اۉتگن.

 روسيه تشقی ایشلر وزیری نینگ اۉرین‌باسری تأکیدلشیچه، امریکا کوچلرینی مرکزي آسیاده جایلشیش مسأله‌سی روسيه و امریکا مناسبتلریگه قتّيق تأثیر قیله‌دی.  اونگه کۉره‌ امریکانینگ مرکزي آسیاده‌گی کوچلرینی جایلشمس‌لیک ضرورتی، مرکزي آسیا مملکتلریگه هم یتکزیلگن.

 عینِ پیتده، پنتاگون سوزچیسی جان کربی یقینده واشنگتن افغانستان اوچون یوزه‌گه کېلیشی ممکن بۉلگن هر قنده‌ی تهلکه‌گه یقین جواب بېریش اوچون منطقه‌ده‌گی بعضی کوچلرینی جایلشتیریلیشی بۉییچه‌ بحث و مذاکره‌‌لر  باشلنگنی نی ایتکندی.