بلخ ولایتی نینگ چهارکنت تومنی حاکمی سلیمه مزارینی طالبانگه قرشی کوره‌شده یېتکچیلیک و یخشی باشقروو اوچون بلخ حاکمی تقدیرلگن.  مزاری خانم اوچینچی درجه‌لی آلقیشنامه آلدی.  بو آلیقنامه مادّي و معنوي امتیازلر گه ایگه.

 بلخ حاکمی محمد فرهاد عظیمي کېچه‌ (یکشنبه ۱۰ اسد) چهارکنت تومنی مرکزیده سفررقیلیب سلیمه مزاریگه منّتدارچیلیک مکتوب‌نی تاپشیردی.

 بلخ ولایت حاکمی سوزچیسی منیر احمد فرهاد نشانه خبرآژانسی بیلن صحبت ده  ایتیشیچه، مزاری خانم طالبانگه قرشی خلق مقاومت کوچلرینی باشقه‌ریشده ثمره‌لی رهبرلیک قیلگنی اوچون مکافات آلگن.  جناب فرهاد نینگ ایتیشیچه، آخرگی ایکّی آی مابینیده‌ مزاری خانم باشچیلیگیده‌گی چهارکنت تومنی مرکزی اطرافیده طالبان جنگچیلری نینگ کېنگ کۉلملی هجوملری خوفسیزلیک کوچلری و خلق مقاومت قوتلری تامانیدن قَیتریلگن.

 جناب فرهاد، طالبان جنگریلری نینگ چهارکنت تومنی اطرافیده اویوشتیرگن برچه‌ هجوملری حکومت کوچلری نینگ قرشیلیگی و مزاری خانیم باشچیلیگیده‌گی خلق مقاومت تامانیدن جلولنگنینی تأکیدله‌یدی.

 حاضرده یۉللری قیین بۉلگن چهارکنت تومنیده ترانزیت یوللر ستندرد رواجلنمگن، لېکن بلخ ولایت حاکملیگی بو تومن نینگ رواجلنیش ساحه‌سیده جدّي و مثلی کۉریلمه‌گن همکارلیکنی عملگه آشیرگنینی تأکیدله‌یدی.

 حاضرگی وقتده بلخ نینگ چهارکنت تومنیده‌گی سلیمه مزاری و دایکندی تومنیده‌گی گُل‌جان سمر تومنلر حاکملریدن فقط ایکّیته‌سی عیال.  مزاری خانم اوچ ییلدن بیری بلخ تومنلریدن بیریده تومن حاکمی بۉلیب ایشله‌یدی.

 بوندن‌آلدین سایر شکیب  و ​​درتاج‌خالقی افغانستان تاریخیده‌گی بیرینچی و ایکّینچی عیال تومن حاکمی بۉلیب، جوزجان ولایتی نینگ خواجه داکوه و فیض‌آباد تومنلری و فاریاب ولایتی نینگ خان چهار باغ تومنیده ایشله‌گن.