65566565566565

سپورت فستیوالی؛ جوزجان یاشلری تینچلیک و آسایشته‌ حیات ایسته‌یدیلر

neshananews

neshananews

14 July 2021

 بیر قطار یاش سپورتچیلر “افغانستان نینگ ینگی اولادی” (نسل‌نوین افعانستان ) انستیتوتی بیلن همکارلیکده جوزجان ولایتی مرکزی شبرغان شهریده بیر کونلیک “سپورت و امید” فستیوالینی تشکیل اېتیشدی.  اوشبو سپورت دستوری تینچلیک و تینچ یششگه اېریشیشگه قره‌تیلگن.  اوشبو فستیوالده ۱۰۰ گه یقین کیشی اشتراک اېتدی.  اولر نینگ ۶۰ نفری یاش سپورتچیلردیر.  فستیوالگه بیر قطار یاش قیزلر هم تینچ حیات اوچون تماشا‌بین صفتیده تشریف بویوریشدی.  اوشبو سپورتچیلر والیبال، فوتبال، تکواندو و هندبال بۉییچه‌ بیله‌شه‌دیلر.

نسل نوین افغانستان موسسه‌سی وکیلی اميد خلیل‌یار نشانه خبرآژانسی گه ایتیشیچه، اوروش پیتیده یاشلر علاجی باریچه تینچلیک و تینچ یشش اوچون مراجعت قیلیشلری ممکن.  اونینگ سۉزلریگه کۉره‌، سپورت کوره‌ش و اۉزارا قبول قیلیش نینگ رمزی صفتیده تینچلیکنی ترغیب قیلیش اصوللریدن بیریدیر.  جناب خلیل‌یار نینگ تأکیدلشیچه، یاشلر اوشبو بیر کونلیک فستیوالده تینچلیک اوچون رقابتلشماقده.  جناب خلیل‌یار نینگ تأکیدلشیچه، رقابت اوروشده بۉلمسلیگی کېرک؛  بو نینگ اۉرنیگه بیز سپورت میدانیده یوریشیمیز کېره‌ک.

 والیبالچی توفیق رضایی هم اوروشدن چرچه‌گنینی ایتیب، ماجرا تمانلرینی تینچلیک و خوفسیزلیککه قَیتیشگه چقیردی.  جناب رضایی نینگ سۉزلریگه کۉره‌، یقینده یوز بېرگن اوروش و ایشانچسیزلیک قدرتلی یاش کوچگه اېنگ کتّه‌ ضربه‌ بېردی.  اونینگ قۉشیمچه‌ قیلیشیچه، اوروش پیتیده یاشلر اۉقیش و سپورتنی خوفسیز دوام اېتتیره آلمه‌گن.  اوشبو سپورتچی، باشقه‌ هر قنده‌ی ییگیت سینگری، مملکتده صلح و تینچلیکنی ایسته‌یدی.

 شمیم اوشبو فستیوال نینگ عیال تماشا‌بینلریدن بیری‌دیر.  او حقوق فاکولته‌سی نینگ طلبه‌سی دیر.  شمیم خانم استدیوم‌گه سپورت اوچره‌شوولرینی تماشا‌ قیلیش اوچون کېلگنینی ایته‌دی.  سۉنگگی ناقرارلیک لردن قۉرققنیگه قره‌مه‌ی، شمیم اوشبو فستیوالده یاش سپورتچیلرنی قۉللب-قوّتلش اوچون قتنه‌شدی.  اونینگ تأکیدلشیچه، اوروش برچه‌ آدملر نینگ حیاتیگه تأثیر قیله‌دی، اما یاش قیزلرگه روحی ضرر اېتکزیش احتمالی کۉپراق.  او کېله‌جکده اۉقیشنی اېرکین دوام اېتتیریشنی و فقرالیک دستورلریده قتنه‌شیشنی خواهله‌یدی.  شمیم تینچلیکنی یاش قیز نینگ برچه‌ ایستکلری دېب بیله‌دی.

 بیر کونلیک فستیوال جوزجان ولایتی یاشلری تمانیدن مملکتگه تینچلیک اۉرنه‌تیش مقصدیده تشکیللشتیریلدی.بیر قطار فقرالیک جمعیتی تشکیلاتلری الّه‌قچان کتاب اۉقیش دستورلرینی باشلش آرقه‌لی تینچلیک مذاکره‌لرینی قۉللب-قوّتلشلرینی اعلان قیلیشدی.