شنواری.....

شینواری: آخرگی بېش کون ایچیده طالبان هجوملری عاقبتیده ۱۶۲ عادی اهالی هلاک بۉلگن

neshananews

neshananews

05 August 2021

 خوفسیزلیک ارگانلر قۉشمه‌ سوزچیسی اجمل عمر شینواری نینگ ایتیشیچه، آخرگی بېش کون ایچیده مملکتده طالبان هجوملری عاقبتیده کمیده ۱۶۲ تینچ اهالی هلاک بۉلگن.

 جناب شینواری بوگون (پنجشنبه‌‌ ۱۴ -اسد) کابولده اۉتکزیلگن مطبوعات انجمنیده بو تینچ اهالی طالبان نینگ هجوملری و موتربمب  پارتلشلری عاقبتیده هلاک بۉلگنینی ایتدی.  او ینه‌ ۲۲ تینچ اهالی نینگ هجوملرده جراحتلنگنینی قۉشیمچه‌ قیلدی.

 خوفسیزلیک اداره‌لری قۉشمه‌ سوزچیسی نینگ ایتیشیچه، طالبان بېش کون ایچیده ۱۷۲ مکتبنی هم ویران قیلگن.  اونینگ سۉزلریگه کۉره‌، بو مکتبلر نینگ بنالری ویران بۉلگنیدن سۉنگ، مینگلب اۉقووچیلر تعلیمدن محروم بۉلیشگن.

 طالبان حاضرچه بو حقده بیران مناسبت بیلدیرمگن.

 طالبان اېسه آخرگی کونلرده مملکت نینگ ییریک شهرلریگه هجوملرنی کوچه‌یتیرگن.  بو هجوملر آرتیدن جمهوررییس غنی خلقنی بو گروهگه قرشی سفربر قیلیشگه چقیردی.  کۉرینیشیدن، بو چقیریق مملکت فقرالری تامانیدن آلقیشلنگن.  کابول، هرات، پروان و باشقه‌ بیر قنچه‌ ولایتلر اهالیسی تونده مملکت خوفسیزلیک کوچلرینی قۉللب -قوّتلش اوچون تورلی شعارلر ایتیشدی.