شِمال-غربي سرپل ولایتیده‌گی محلي منبعلرگه کۉره‌، طالبان جنگریلری ولایت مرکزی نینگ بیر قِسمینی نظارت آستیگه آلگن.

 اسمینی آشکار قیلیشنی ایسته‌مه‌گن ولایتده‌گی محلي منبع نینگ ایتیشیچه، طالبان جنگچیلری بوگون تانگده ( یکشنبه ‌ ۱۷اسد) سرپل ولایتی مرکزیده هجوملرینی کوچه‌یتیرگن.

 منبع نینگ قۉشیمچه‌ قیلیشیچه، گروه جنگچیلری شهر نینگ بیر قِسمینی، جمله‌دن، پولیس‌ باش قرارگاهی و ولایت بناسینی اېگه‌للب آلیشگه موفق بۉلگن.

 اونینگ سۉزلریگه کۉره‌، سرپل ولایتی مرکزیده جایلشگن محلی رسمیلر و حربیلر شهر نینگ جَنوبی-غربیده‌گی امام کلان میدانیگه تۉپلنیشگن.  اونگه کۉره‌، شهرده حکومت کوچلری و طالبان جنگچیلری اۉرته‌سیده وقتی -وقتی بیلن تۉقنه‌شوولر دوام اېتماقده.

 سۉنگگی بیر نېچه‌ ساعت ایچیده قندوز شه‌هری نینگ بیر قِسمی هم طالبان تامانیدن قۉلگه آلینگن.  طالبان نینگ شهرگه یوریشی آرتیدن، قندوز شه‌هریده مخصوص خوفسیزلیک کوچلری جایلشتیریلیب، شهرنی تازه‌لشگه کیریشدی.