E8KXE1HXIAgJb30

طالبان نینگ بدخشان مرکزی فیض‌آباد شهریگه کېنگ ترقه‌لگن هجوملرینی قَیتریش

akbardashti

akbardashti

07 August 2021

 بدخشان محلي رسميلری نینگ ایتیشیچه، مدافعه‌، خوفسیزلیک و خلق بسیج کوچلری مقاومتی دن سۉنگ، ولایت مرکزی فیض‌آبادنی اېگه‌للشگهطالبان نینگ نيچه استقامت دن هجوملری قَیترگن.

 بدخشانده‌گی محلي رسميلرگه کۉره‌، کېچه‌ (۱۴ اسد) طالبان جنگریلری حکومت موقع‌لریگه هجوم اویوشتیریب توقنشوو اېرته‌لبگچه دوام اېتگن.

 کېچه‌ طالبان جنگریلری و مدافعه‌ و خوفسیزلیک کوچلری اۉرته‌سیده‌گی تۉقنه‌شوولر مثلی کۉریلمه‌گن دېب ناملندی و جنگلر نینگ شدّتی و اۉز حیاتلرینی یۉقاتیشدن قۉرقیب، فیض‌آباد نینگ برچه‌ اهالیسی کېچه‌یو کوندوز اویغاغ توریشدی.

 محلي و خوفسیزلیک رسیمیلر تونده طالبان جنگریلری نینگ هجومی قَیتریلگنی و طالبان جنگریلری اۉلدیریلگنی حقیده خبربیرگن.

 اسمینی آشکار اېتیشنی ایسته‌مه‌گن خوفسیزلیک منبعلری، بو توقنشووده، اشتراک اېتگن تامانلر و تینچ اهالیگه تلفات یتکزیلگن.

 خوفسیزلیک منبع‌سی نینگ ایتیشیچه، تۉقنه‌شووده ۳۵ طالبان جنگریسی اۉلدیریلگن، ینه‌ ۲۰ کیشی، شو جمله‌دن گروه نینگ تنیقلی قوماندانلریدن بیری مولوی عتیق‌الله یاره‌لنگن.

 منبعگه کۉره‌، تۉقنه‌شووده ۷ ته خوفسیزلیک کوچلری و ۳ نفر تینچ اهالی‌هم هلاک بۉلگن، ۱۲ کیشی یاره‌لنگن.

 محلي منبعلرگه کۉره‌، بیر قطار طالبان جنگچیلری هم خوفسیزلیک کوچلری تامانیدن قۉلگه آلینگن.

 بو تۉقنه‌شوولرده قربانلر بیلن بیر قطارده تینچ اهالی هم مالیوي ضرر کۉرگن.

 بدخشان نینگ اخبارات و مدنیت اداره‌سي ریسی نقیب‌الله ثاقبیار نینگ ایتیشیچه، آتیشمه آرتیدن اونینگ اویی یانیب کېتگن.

  اونینگ سۉزلریگه کۉره‌، یانغین محلي اهالی همکارلیگی طفیلی اۉچیریلگن.

 بدخشان ولایت‌حاکمی بشیر صمیم هم اۉز پیامیده طالبان نینگ فیض‌آباد شهریگه هجومینی قَیتریش خوفسیزلیک کوچلریگه تازه‌لش عملیاتلرنی کېنگه‌یتیریش و یۉقالگن حدودلرنی قَیتریب آلیش اوچون باشلشیگه یۉل آچگنینی ایتدی.

 طالبان حاضرچه گروه جنگریلری قربان بۉلگنی حقیده هېچ قنده‌ی ایضاح بېرمه‌دی.

 مدافعه‌ و خوفسیزلیک کوچلری نینگ قرشیلیک کۉرسه‌تیشی و طالبان نینگ هجوملری نینگ قَیتریلیشی خلق تامانیدن کتّه‌ ممنونیت بیلن کوتیب آلیندی و بو شهر اهالیسی مرکزي حکومتدن طالبان نینگ ولایت مرکزیگه تهدیدینی یۉق قیلیشنی طلب قیلماقده.

 بدخشان – مملکت نینگ شِمالی -شرقي ولایتلریدن بیری، کران و منجان تومنلری همده‌ بدخشان پایتختی فیض‌آباد شهریدن تشقری، ولایت نینگ ۲۶ تومنی نینگ همه‌سی بیر آیگه یقین وقت ایچیده طالبان تامانیدن قۉلگه آلینگن.