ارتش--

طالبان نینگ شبرغان گه هجوملری قَیتریلدی

neshananews

03 August 2021

 جوزجان امنیتی مسووللری نینگ ایتیشیچه، طالبلر نینگ بو ولایت مرکزی گه ایککی استقامت دن هجومی حربي کوچلر و خلق مقاومت قوتلری تامانیدن قَیتریلگن.  بیراق طالبان شبرغان شرقده جایلشگن تۉرت قیشلاقنی قۉلگه آلگنینی خبرقیلنگن.

 جوزجان پولیس‌ باشلیغی  جِیلاني ابوبکر نینگ ایتیشیچه، کېچه‌ تونده ( دوشنبه‌ ۱۱ اسد ) طالبلر ایکّی استقامت دن ولایت مرکزی شبرغان شهریگه هجوم قیلگن.  اونینگ سۉزلریگه کۉره‌، بو هجوملر خوفسیزلیک کوچلری و خلق مقاومت قوتلری تامانیدن قَیتریلگن.

 جناب ابو بکر نینگ توشونتیریشیچه، طالبلر سرپل – جوزجان شاه یولی تمانیدن شبرعان نینگ غوره قشلاقی و شرق تمانیدن صوفي قلعه کتته قیشلاقیگه هجوم قیلگن.  اونگه کۉره‌، بو قیشلاقلر حاضرده حکومت کوچلری نظارتیده دیر.  جوزجان پولیس باشلیغی نینگ قۉشیمچه‌ قیلیشیچه، کېچه‌کی تۉقنه‌شووده امنیتی قوتلرگه تلفات یتکزیلمگن.

 بیراق، طالبان کېچه‌کی هجوملرده شبرغان شهریگه تیگیشلی تۉرت قیشلاقنی اېگه‌للب آلگنینی دعوا قیلماقده.  اما اردو و پولیس کوچلری بو دعوانی رد اېتیشماقده.

 ۲۰۹ شاهین قول‌اردوسی هم نشرایتکن خبرنامه‌سیده کېچه‌ طالبلر نینگ شبرغان خوفسیزلیک کمربندلریگه قیلگن هجومی خوفسیزلیک کوچلری و خلق مقاومت قوتلری قرشیلیک گه اوچره‌گنینی یازگن.

 بیاناتده ایتیلیشیچه، حادثه‌ عاقبتیده طالبان جنگچیلریدن۵۷ کیشی ، جمله‌دن، اوچ مهم قوماندان اۉلدیریلگن، ۱۸ کیشی یاره‌لنگن.  شاهین قول اردوسی خبرنامه‌سیگه کۉره‌، اردو قوتلری هوا هجومی نتیجه سیده طالبان نینگ بیر مقدار قورال یراق و حربی جهازلری نابود قیلنگن.

 طالبان نینگ جوزجان ولایتی مرکزی شبرغان شهریگه کېنگ کۉلملی هجوملری ایکّی آیدن بویان دوام اېتماقده، بیراق گروه شو پیتگچه شبرغان شهرینی قۉلگه کیریته آلمه‌گن.