مدافعه‌ وزیرلیگی سوزچیسی نینگ ایتیشیچه، طالبان نینگ مملکت غربیده‌گی هرات ولایتیده‌گی سَلما تۉغانی‌گه قیلگن هجومی قَیتریلگن.

 ملي مدافعه‌ وزیرلیگی سوزچیسی  اۉرین‌باسری فواد امان بوگون ( چهارشنبه‌ ‌ ۱۳ اسد) اۉز تویتتېریده طالبان جنگریلری سَلما تۉغانینی بوزیش مقصدیده کېچه‌ تونده بو حدودگه هجوم قیلگنینی یازگن.  جناب امان نینگ قۉشیمچه‌ قیلیشیچه، طالبان جنگچیلری نینگ سَلما تۉغانیگه قیلگن هجومی مملکت خوفسیزلیک کوچلری تامانیدن قَیتریلگن.

 مدافعه‌ وزیرلیگی سوزچیسی نینگ تأکیدلشیچه، هجوم طالبان جنگریلریگه کتّه‌ تلفات کېلتیرگن.  او طالبان نینگ تۉقنه‌شوولرده تلفاتی سانی حقیده باتفصیل معلومات بېرمه‌دی.

 طالبان حاضرچه بوحقده هېچ قنده‌ی ایضاح بېرمه‌گن.

 طالبان نینگ سَلما تۉغانیگه هجومی اۉتگن هفته‌ آخریده گروه هرات شهریگه هجومینی کوچه‌یتیرگن پیتگه تۉغری کېله‌دی.  بو هرات ولایتیده‌گی سَلما تۉغانی قوراللی گرولر تامانیدن نشانگه آلینگن بیرینچی حالت اېمس.  بو توغان‌گه قرشی آخرگی آلتی آیده اوچ مرته‌دن کۉپراق هجوم قیلینگن.