طالبان نینگ کتته تلفاتی؛ ۱۱ ولایتده کمیده ۳۷۵ طالبان جنگچیلری اۉلدیریلگن
neshananews
03 August 2021مدافعه وزیرلیگی رسميلری نینگ ایتیشیچه، آخرگی ۲۴ ساعت ایچیده ۱۱ ولایتده اردو کوچلری بیلن تۉقنه‌شوولرده کمیده ۳۷۵ طالبان جنگچیسی اۉلدیریلگن.
ملي مدافعه وزیرلیگی سوزچیسی روح‌الله احمدزی بوگون (سه‌شنبه، ۱۲ -اسد) اۉز تویتتېریده نورستان، لوگر، قندهار، ارزگان، هرات، جوزجان، بلخ، سمنگان، هلمند، کاپیسا و بغلان ولایتلریده طالبان نینگ بو جنگچیلری اولدیریلگنی ني یازگن.
جناب احمدزی نینگ قۉشیمچه قیلیشیچه، اردو کوچلری بیلن تۉقنه‌شووده ینه ۱۹۳ طالبان جنگچیسی یاره‌لنگن.
طالبان حاضرچه بو حقده هېچ قنده‌ی ایضاح بېرمه‌گن.
آخرگی کونلرده طالبان طالبان جنگریلری ولایت مرکزلری قندهار، هرات و هلمندده هجوملرینی کوچه‌یتیرگن. بیرلشگن ملتلر تشکیلاتی نینگ افغانستانده‌گی یاردم دفتری (یوناما) طالبان هجوملری اوج آلگنیدن کېین تینچ اهالی تلفاتری کۉپه‌ییشیدن خواطر بیلدیرگن.
