طالبان نینگ کتّه تلفاتی؛ بوگروه نینگ ۵۷۲ جنگچیسی اردو کوچلری بیلن تۉقنهشووده هلاک بۉلگن
neshananews
08 August 2021مدافعه وزیرلیگی رسميلری نینگ معلوم قیلیشیچه، اردو قۉتلری و امریکانی قیرووچی اوچاقلری نینگ بوگروه نینگ تورلی ولایتلردهگی موقعلریگه قرشی هجوملری عاقبتیده کمیده ۵۷۲ طالبان جنگچیسی اۉلدیریلگن.
ملي مدافعه وزیرلیگی مطبوعات سوزچیسی نینگ اۉرینباسری فواد امان بوگون ( یکشنبه ۱۷ اسد) اۉزی نینگ تویتتېردهگی صحیفهسیده طالبان نینگ بو جنگچیلری ننگرهار، لغمان، غزنی، پکتيا، پکتیکا، قندهار، ارزگان، هرات، فرَاه، جوزجان، سرپل، نیمروز، تخار، قندوز، بدخشان و کاپیسا ده اۉلدیریلگن.
جناب امان نینگ قۉشیمچه قیلیشیچه، بو ولایتلرده آخرگی ۲۴ ساعت ایچیده گروه نینگ باشقه ۳۰۹ جنگریسی یارهلنگن. طالبان حاضرچه بو حقده هېچ قندهی ایضاح بېرمهگن.
شونی ایتیب اۉتیش جایزکی، طالبلر مملکت نینگ ییریک شهرلریگه هجوم قیله باشلهدیلر. تخمیناً ایکّی هفته آلدین، گروه ییریک شهرلرگه هجوم اویوشتیرگنیدن سۉنگ، گروه جوزجان و نیمروز ولایتلری مرکزلرینی اېگهللب آلدی. مملکت نینگ اۉندن آرتیق ولایتلریده آغیر جنگلر دوام اېتماقده.
طالبان هجوملری آق اوی مناسبتی گه سبب بولگن ، امریکا جمهوررییسی، امریکا نینگ ب-۵۲ قیرووچی اوچاقلریگه طالبان موقعلرینی نشانگه آلیشنی بویوردی.
