طالبان نینگ ۲۶ جنگچیسی فاریاب و سرپل‌ده اۉلدیریلگن
neshananews
05 August 2021مملکت شِمالیده‌گی امنیتی قوتلر مسووللری نینگ ایتیشیچه، فتریاب و سرپل ولایتلریده ۲۶ طالبان جنگچیسی اۉلدیریلگن.
۲۰۹ شاهین قول‌اردوسی نشرایتکن خبرنامه‌سیده یازیشیچه، مملکت حربي هوا کوچلری کېچه کېچقرون (چهارشنبه ،۱۳ اسد) سرپل ولایتیده طالبان موقع‌لرینی نشانگه آلگن.
بیاناتده، هوا هجومی چاغیده ۲۴ طالبان جنگری، شو جمله‌دن گروه قوماندانلریدن بیری اۉلدیریلگنی، ۱۴ نفری یاره‌لنگنی قۉشیمچه قیلینگن.
فاریاب پولیس قوماندانلیگی سوزچیسی، شونینگدېک، طالبلر امنیتی قوتلرنی فاریاب ولایتی مرکزی میمنه نینگ ده سیدان حدودیده‌گی خوفسیزلیک موقع‌لریگه قیلگن هجومنی قَیترگنینی خبر قیلگن. حادثه عاقبتیده ایکّی طالبان جنگریسی اۉلدیریلگن، ینه بېش نفری یاره‌لنگن.
خوفسیزلیک رسميلری نینگ تأکیدلشیچه، واقعه‌لر نتیجه‌سیده مملکت خوفسیزلیک و مدافعه کوچلریگه ضرر یېتمه‌گن.
بیراق، خارجي قۉشینلرنی مملکتدن چیقیشی باشلنیشی بیلن طالبان نینگ شمالي ولایتلرگه هجوملری کوچه‌یگن. حاضرده جنگلر بغلان، قندوز، تخار، بدخشان، جوزجان، فاریاب و سرپل ولایتلریده دوام اېتماقده.
