غنی و بایدن اوچره‌شیشه‌دی؛ امریکا، افغانستاننی ینه تروریزم مکانی بۉلیشیگه یۉل قۉیمه‌یدی
neshananews
26 June 2021امریکا جمهوررییسی جوبایدن جمهوررییس محمد اشرف غنی و عالي ملي یره‌شیش کېنگاشی رییسی عبدالله عبدالله بیلن اوچره‌شوو چاغیده امریکا افغانستاننی ینه ترورچیلر اوچون خوفسیز پناه‌گاهی‌گه ایلنیشیگه یۉل قۉیمسلیگینی ایتکن.
آق اوی بوگون اېرته‌لب (۵-سرطان شنبه) جوبایدن نینگ افغانستان حکومتی رسميلری بیلن اوچره‌شووی تفصیلاتلرینی اعلان قیلدی. آق اوی بیاناتیده ایتیلیشیچه، جناب بایدن افغانستاندن چېت اېل قۉشینلری چیقریلگندن کېین واشینگن و کابل اۉرته‌سیده‌گی مناسبتلرگه اعتبار قره‌تیش ضرورلیگینی تأکیدله‌گن. اونگه کۉره، امریکا نینگ افغانستاننی، خصوصاً اونینگ خوفسیزلیک اداره‌لرینی قۉللب-قوّتلشی دوام اېته‌دی.
جناب بایدن نینگ ایتیشیچه، امریکا قۉشینلری نینگ افغانستاندن چیقریلیشی کابل-واشینگن مناسبتلری نینگ توگه‌شینی انگله‌تمه‌یدی. اونینگ سۉزلریگه کۉره، امریکا کابل بیلن مناسبتلری نینگ ینگی بابیده بو مملکتده قیرق ییللیک اوروشنی توگه‌تیشگه حرکت قیلماقده. اونگه کۉره، امریکا افغانستانده‌گی برقرارلیکنی قۉللب-قوّتله‌یدی.
پرزیدنت نینگ قۉشیمچه قیلیشیچه، واشینگن بیرلشکن‌ملتللر‌تشکیلاتی باش کاتبی نینگ افغانستان تینچلیگی بۉییچه مخصوص وکیللیگی فعالیت‌لرینی قۉللب-قوّتله‌یدی و برچه سیاسي گروه‌لرنی مضمونلی تینچلیک مذاکره‌لریده قتنه‌شیشگه اونده‌یدی.
سۉزی نینگ ینه بیر قِسمیده جوبایدن افغانستانده‌گی زۉروانلیکلر نینگ دوام اېتیشینی تنقید قیلدی. جناب بایدن مملکتده دوام اېته‌یاتگن زۉروانلیکلرنی علاجی باریچه تېزراق توگه‌تیش کېره‌کلیگینی و افغانستان حکومتی و طالبان کېنگ قمراولی تینچلیک کېلیشوویگه اېریشیشی کېره‌کلیگینی تأکیدله‌دی؛ اونینگ سۉزلریگه کۉره، کېلگوسی ییگیرمه ییل دوامیده عیاللر حقوقلری، آزچیلیکلر حقوقلری و قدریتلرنی حمایه قیله‌دیگن شرطنامه.
عینِ پیتده جمهوررییس محمد اشرف غنی واشگتن ده بۉلیب اۉتگن مطبوعات انجمنیده امریکاگه تشریفینی موفقیتلی دېب تعریفله‌دی. جناب غنی نینگ ایتیشیچه، امریکا افغانستاننی هېچ قچان اونوتمه‌یدی؛ عکسینچه، ایکّی مملکت اۉرته‌سیده‌گی یقین علاقه‌لر دوام اېته‌دی.
جناب غنی و جناب عبدالله اۉتگن هفته آخریده امریکا جمهوررییسی جوبایدن نینگ تکلیفیگه بناءً واشنگتن گه یۉل آلدیلر و امریکا جمهوررییسی، مدافعه وزیری، ملي خوفسیزلیک بۉییچه مصلحتچی و امریکا کانگرسی باشلیغی بیلن اوچره‌شدیلر.
