قوشمه چیگره‌وی بازارلرنی ایپک یولی گه باغلنیش و اقتصادی ترقیات ده رولی
neshananews
15 January 2020سونگی ییللرده افغانستان و تاجیکستان نینگ بدخشان ولایتلریده قوشمه چیگره‌وی بازارلرنی ایجاد ایتیلیشی، ایککی مملکت چیگره سیده جایلشکن ایککی بدخشان ولایتی اهالی لریگه سودا قولیلیک لرنی یرتکن.
تاجیکستان حکومتی مقاملری دایم ایککی مملکت ارا اقتصادی دهلیز ایجاد ایتیلشی مقصدی اوچون افغانستان و تاجیکستان چیگره حدویده قوشمه بازارلرایجاد ایتیلیشی سوز یورتیب اما بدخشان ولایتی نینگ ایریم حدودلریده ناتینچلیک لر کوپیب باریشی چیگره‌وی بازارلر رواج رونق تاپیشی یولیده سل بی تاثیر قالدیرگنی و بعضی وقت لر بو بازارلر خوفسیزلیک معما لر سبب مردم یوزیگه یاپیلگنی دن خبر بیرگن لر.
افغانستان جمهورریسی محمد اشرف غنی بدخشان ولایتی گه قیلگن سونگی سفریده، بوولایت ده امنیت تامین لنیشی، رواجلنیش وترقیات دستورلر، کانلرنی ایشلب چیقاریش،شایسته سالارلیک،اهالی اوچون برق انرژی سی نی یتکزیش توغری سیده دولت تعهدلرینی ینه بیر بار تاکیدلب چیگره‌وی بازارلرنی کوپیتیریش ده سعی وحرکت قلیشی دن سوزبیردی.
افغانستان جمهورریسی بدخشان ولایتی اهالی سی بیلن اوچرشگنده هم ” قوشمه چیگره‌وی بزار لرنی رواجلنتیره میز و منطقه ده بیراقتصادی دهلیزنی ایجاد ایتیش اوچون تاجیکستان جمهوریتی بیلن همکارلیک ده سعی قیله میز” دیب تاکیدلشکندی.
افغانستان بدخشانی نی تاجیکستان بدخشانی بیلن چیگره حدوده‌گی منطقه لرده تورت قوشمه بازار، اشکاشم، شغنان،مایمی و نسی اولسوال لیک لریده هفته ده بیرکون آچیله‌دی.
بازار بولگن کون لرده ایککی تمان سوداگرلری تورلی خیل محصولاتلرنی بازارگه کیلتیریب ساتدیلر و افغانستان وتاجیکستان لیک لر اوز احتیاجلیک لرینی بو بازار دن تامین لیدیلر.
بو چیگره‌وی بازارلر، بدخشان ولایتی مرکزیدن اوزاق توشگن و باردی کیلدی یول لری اساسی روشده قوریلمی قالگن چیگره حدودلریده یشه‌یاتگان اهالی احتیاجلیک لرینی برطرف ایتیش ده مثبی تاثیر قالدیرگن.
چیگره حدودلریده خوفسیزلیک تهدیدلردن علاوه قوشمه بازارلراوچون افغانستان تمانیدن کیرک انشاعات لر قوریلمگنی بازار سوداگرلرنی اساسی قیینتچلیک لری دیر.
بدخشان مدنی جماعه سی ریسی سیف الدین ساییس افغانستان جمهورریسی گه یوله‌گن تکلیف نامه لایحه سیده، حکومت چیگره‌وی بازارلرنی رواجلنتیریش اوچون کیرکلی ترقیات دستورلرنی عملی قلیشی لازم دیب ایتی.
بو لایحه ده ” کیرکلی انشاعات لر یوق لیگی و افغانستان تمانیدن قوشمه بازارده محصولات بولمگنی نی ،بدخشان ولایتی سوداگرلرینینگ اساسی قیینتچلیگی دیب ایتی و حکومت دن بازارده کیرک بولگن بنالرنی قوریش وبو ولایت ده تورلی خیل محصولات ایشلب چیقاریلیشی اوچون کارخانه لر ایجاد ایتیش ده یادرم بیریشی و حمایت کورستیشی نی طلب ایتی”.
افغانستان جمهورریسی هم ایتکن،حکومت بدخشان ولایتی نی مملکت اقتصادی زونی بیلن باغلش دن علاوه قوشمه بازارلرنی رواجلنتیریش بیلن منطقه ده بیرینگی اقتصادی زون ایجاد ایتیش ده سعی قیلماقده.
ایککی مملکت چیگره سی ده‌گی مسول مقام لرگه کوره بو بازارلرنی قوللب قوتلش و رواجلنتیریش بیلن، چیگره حدودلریده یشه یاتگان اهالی، کونده لیک احتیاجلیک لرینی برطرف ایتیش دن علاوه، افغانستان و تاجیکستان چیگره حدودلریده اقتصادی ترقیات اوچون کیرک لی زمینه لر مساعد ایتیلیشی دن ایشانچ بیلدیره دیلر.
تاجیکستان مقاملرینی ایتیشیچه قوشمه چیگره‌وی بازارلر منطقه اهالی اوچون ایش و درآمد زمینه سی نی مساعد ایتیش دن اوتر،اقتصادی ترقیات گه هم زمینه یرتیشی نی تاکید لب بو قوشمه بازارلرنی رواجلنتیریش بیلن افغانستان و تاجیکستان بیراقتصادی دهلیز آرقلی آسیا بازارلری بیلن باغلنیش گه امکان تاپیش لری ممکن.
بدخشان ولایت حاکمی اورین باسری اخترمحمد خیرزاده، بدخشان محلی حکومتی تاجیکستان جمهوریتی هماهنگی لیگی بیلن چیگره‌وی همکارلیک لرقوشمه کمیسونی آرقلی تجارتی یول لر و قوشمه بازارلرنی ایجاد ایتیش بیلن چیگره حدودلریده اقتصادی مرکزلرنی دستکلب بو یولدن ایپک یولی گه باغلنیش زمینه سی نی مساعد ایتیش نی اوزیگه مقصد قیلگن دیدی.
اوتمیش ده چین مملکتی دن باشلنیب افغانستان حدودی دن اوتیب، مرکزی اسیا واروپا گه یتیب بارگن ایپیک یولی، چین نینگ مرکزی اسیا ارقلی ، جنوبی و غربی اسیا وهمده اروپا وافریقا بیلن باغله‌یاتگان یول حساب لنردی. ۱۰ مینگ کیلومتردن تشکیل تاپکن بو یول نینگ قریب ۵۰۰ کیلومتری افغانستان نینگ بدخشان ولایتی دن اوتیب و تاریخی روایت لرگه اساسا بو خلق ارا یول، ایپک یولی مملکت لری نینگ سودا و اقتصادلری اوچون کتته اهمیت گه ایگه بولیب اوتمیش ده کوزگه کورنرلی رونق گه ایگه ایکن.حاضر ایسه بو تاریخی یول نی قیته تیکلش اوچون عمل گه آشیریلگن سعی وحرکت لرگه قرگنده، افغانستان ینگی ایپیک یولی حدودیده جایلش مگن.چین مملکتی تکلیفی گه اساسا قوریلیش ایشی باشلنگن ینگی ایپک یولی اوچ شمالی، جنوبی، ومرکزی حدوددن اوته‌دی و افغانستان بو اوچ حدوددن هیچ بیری ده جایلش مگن.
بو یول نینگ شمالی قسمی چین مملکتی نی مرکزی اسیا مملکت لری خصوصا قزاقستان، قیرغیزستان،تاجیکستان و اوزبیکستان دن روسیه و اروپاگه باغلیدی. جنوبی قسمی چین دن باشلنیب اسیا جنوب شرقی ، جنوبی اسیا وهند کورپزیگه باریب قوشیله‌دی و بوشاه یول نی مرکزی قسمی ایسه مرکزی اسیا دن اوتیب ایران و فارس کورپزی و شونینگ دیک ترکیه و مدیترانه دینگیزی گه باغلنه‌دی.
هرچند ایپک شاه یولی نی افغانستان حدودی ارقلی قیته تیکلنیشی گه امیدلرکتته ایدی اما چین نینگ افغانستان ده‌گی ایلچی سی بوندن قریب بیرییل آلدین بدخشان ولایتی گه قیلگن سفری چاغیده ، چین، تاجیکستان ، ترکمنستان وایران ارقلی افغانستان نی بو اقتصادی دهلیزبیلن باغلش ده سعی قیلماقده دیب ایتکندی .
