78687786786867867

قوماندان صلاح الدین پامیر و ییللرچه سنگردارلیک

neshananews

neshananews

04 August 2021

 صلاح‌الدین پامیر-عمری نینگ کۉپ ییللرینی سنگرده اوتکزیب، خلق تینچلیگی اوچون کوره‌شگن مملکت نینگ تنیقلی حربيلریدن دیر.  بو یاش حربی اۉن تۉرت ییلدن بویان مملکت نینگ تورلی ولایتلریده قوراللی کوچلر صفی‌ده طالبان‌گه قرشی جنگ قیله‌دی.

 صلاح‌الدین پامیر ۱۲ ییل مخصوص پولیس‌ بۉلینمه‌سی نینگ اعضاسی بۉلیب، هلمند، قندهار، لوگر، ميدان وردک، غور، کابل، تخار و بدخشان ولایتلریده خدمت قیلگن.  او تخارنینگ خواجه بهاالدین،  غورنینگ چهارده تومنلری و افغانستان نینگ باشقه‌ جایلریده قانلی و آغیر جنگلرنی باشیدن کېچیرگن.  قوماندان پامیر – محنتکش، هوشیار و معنوي به‌قوّت حربي دیر.  بو یاش قوماندان اۉزی نینگ حربي فعالیتلریده کۉپلب غلبه‌لرگه اېگه‌ بولگن.

 سۉنگگی کونلرده اردو و پولیس‌ نینگ بعضی حربي قِسملریده وضعیتنی اوشلب توریش اوچون ثمره‌لی کادرلر جایلشتیریلدی و قوماندان پامیر اولردن بیری دیر.  او یقینده بدخشان پولیسی عملیات بۉلینمه‌سیگه قوماندانلیک قیلیب و حاضرده قۉتلری بیلن فیض‌آباد شهریده اوروش‌نینگ دستلب صفیده کورشماقده.  قوماندان پامیر – اوروش اۉچاغیده بیشگن عسکر و کورشچی دیر؛  یاش قوماندان عشق بیلن دشمنگه قرشی چیقه‌دی و اۉز عسکرلری بیلن جنگ قیله‌دی.

 اونینگ مملکت نینگ تورلی ولایتلریده‌گی اوروشده‌گی کتّه‌ تجربه‌سینی حسابگه آلسه‌ک، اونینگ بدخشان پولیسی کوچلرینی باشقه‌ریشی عسکرلر و خلق اوچون کتته امید و کوچ منبعی حسابلنه‌دی.  قوماندان پامیر سۉنگگی ییللرده‌گی کوره‌شلری و قربانلیکلری طفیلی یاشلر اۉرته‌سیده محنت و جسارت نمونه‌سیگه ایلنگن.

  نشانه خبرآژانسی اوني بیلن بدخشان‌ده‌گی اوروش نینگ سنگریده صحبت لشکن.   بو جسور و یوکسک روحیه‌لی قوماندان اوزسنگریدن حمایه‌ قیلیشگه تیارلیگی حقیده گپیریب و هېچ قچان طالباندن اوز کونگلیده قۉرقوو سالمه‌گنلیگینی تأکیدله‌یدی.

 قوماندان پامیر نینگ ایتیشیچه، او طالبانگه قرشی کوره‌ش تجربه‌سیگه اېگه‌ و طالبلر، افغانستان‌ده‌گی تیزیم نی آغدریش گه کوچی یتمی دیب ایشانچیم کامل دیب سوزلرینی دوام ایتیره‌دی.  “طالبانگه مېنینگ پیامم شو که، طالبان افغانستان نینگ قوله‌شی حقیده اویله‌مه‌سین. خوفسیزلیک کوچلری، امنیتی قوتلر صفیده‌گی افغانستان خلقی نینگ جسور باله‌لری طالبان مقابلیده سینه‌لرینی قلقان قیلگن و طالبان‌گه افغانستانده‌گی رېجه‌لرینی عملگه آشیریش‌ده رخصت بیرمیدیلر “.

 قوماندان پامیر علاوه ایتی: “مېنینگ طالبانگه قرشی کوره‌شیم – باطل گه قرشی حق کوره‌شی دیر.  مېنینگ یۉلیم تۉغری، اصلی جهادنی بیز بجره‌میز؛  “چونکه‌ بیز خلقیمیز نینگ شأنی، قدر -قیمتی، توپراغی و ننگ و ناموسی‌نی حمایه‌ قیله‌میز و آدملر نینگ تینچلیگی و آسایشته‌لیگی اوچون کوره‌شه‌میز”.  قوماندان پامیر، شونینگدېک، خارجي کوچلر مملکتدن چیقیب کیتگنیندن سۉنگ، طالبان اوروشی حقیده‌گی حکایه‌ سۉنیب کېتگنینی و اولر اوچون جهاد حقیده گپیریش نیمه‌نی انگله‌تیشینی ایته‌دی؛  جهاد کیمگه قرشی، افغانستان مسلمان خلقیگه قرشی؟ دیب فکر بیلدیره‌دی‌

 اونینگ فکریچه، طالبلر اېندی جهاد بهانه‌سیده خلقنی الده‌ی آلمه‌یدی.  اونینگ سۉزلریگه کۉره‌، افغانستان نینگ برچه‌ اهالیسی مسلمان، آدملر نینگ اویلرینی بوزیش، مسلمان قانینی تۉکیش، آواره قیلیش و آدملر نینگ آسایشته‌لیگی برهم‌بیریش و جماعت قوریلمه‌لرینی ویران قیلیش جهاد اېمس.

 یاش قوماندان قوشیمچه قیلدی: «ایلگری طالبلر بیز خوفسیزلیک کوچلریگه قرشی چېت اېلّیکلر بارلیگی اوچون جنگ قیلیه‌پمیز دېب ایتیشردی، لېکن حاضر وضعیت عکسینچه.  “چېت اېل کوچلری اېندی بیزنی یانیمیزده اېمس، لېکن اۉنلب مملکتلردن کېلگن خارجي ترورچیلر طالبان صفیده موجود دیر.”

 پامیر جنابلریگه کوره “بیز مملکت نینگ گُللب-یه‌شنه‌شی و رواجلنیشی اوچون کوره‌شیه‌پمیز، بیز بو اولکه نینگ باله‌لری مکتبده اۉقیشی اوچون، بو اېر نینگ یاشلری عالي اوقویورتلرده تعلیم آلیشی اوچون، همه‌ خلقیمیز خواطرسیز یششلری اوچون کوره‌شه‌یه‌پمیز، بیز منطقه مملکتلری استخباراتی دستورلری اوچون کوره‌شمیمیز. “

 تجربه‌لی پولیس‌ باشلیغلی‌نینگ قۉشیمچه‌ قیلیشیچه، افغانستان قوراللی کوچلری نینگ هر بیر اعضاسی اۉز خلقی و وطنیگه صداقت بیلن، اۉز ملي و مشهور قدریتلری خوفسیزلیگی و حمایه‌سی اوچون محبت بیلن قۉرقمسدن جان بیریش‌ده تیار دیر.

 سۉنگگی کونلرده افغانستانده زۉروانلیکلر اوج آلگنی سببلی، خوفسیزلیک خدمتی خادملری، خلق نینگ تۉلیق قۉللب -قوّتلشی بیلن، اوّلگیدن کۉره‌ انچه‌ چیدملی بۉلیب، طالبانگه قرشی توریشدی.  آدملر نینگ خوفسیزلیک کوچلریگه معنوي و مادّي یاردم کۉرسه‌تیشی اولرنی اوّلگیدن هم کۉپراق تعهدلی حرکت قیلیشگه، خلق و اۉز مملکتی نینگ خوفسیزلیگی و قدر -قیمتی اوچون جوابگرلیکنی آلیشگه مجبور قیلدی.

 بدخشان پولیس‌ باشلیغی قۉشیب قۉیدی: “بیز نینگ تعهدمیز و شعاریمیز – اۉلیم یاکه غلبه‌، بیز خلقیمیزنی تینچ اوخلشگه ایشانتیره‌میز و بیز، اولر نینگ فرزندلری، خوفسیزلیک کوچلری صفیده هوشیارمیز و شان -شرَف و قدر -قیمتیمیزنی حمایه‌ قیله‌میز. »  قوماندان پامیر طالبان‌نی تشقی استخبارات قۉلیده‌گی واسطه‌ دېب حسابله‌یدی و حاضرده پاکستان اولرنی افغانستان حدودی و خلقیگه قرشی واسطه‌ صفتیده ایشله‌تماقده.  اونینگ سۉزلریگه کۉره‌، طالبلر بو مملکت خلقی و کېله‌جگی آلدیده هېچ قنده‌ی تعهدگه اېگه‌ اېمس.  او علاوه ایتدی”افسوسکی، هر کونی بیز کۉپراق ویرانه‌گرچیلیک، قشّاقلیک و آواره‌لیک و آرقه گه قَیتیشنی کۉره‌میز”.

 افغان خوفسیزلیک کوچلری نینگ تنیقلی اعضاسی نینگ سۉزلریگه کۉره‌، مملکت بحران حالتیده، طالبانگه قرشی توریش و قۉشنی دولتلر نینگ ویرانکار رېجه‌لریگه ضدیت کورستیش، برچه وطنداشلری‌میزنین بورچی دیر و هرکیم اۉز مملکتی نینگ امان قالیشی و قدر-قیمتی اوچون قورال کوتاریشی‌نی طلب قیله‌دی. جنگ میدانی نینگ بو جسور افسری جاری وضعیت نینگ دوام تاپیشی‌ني افسوسلنرلی اتب ديدي، اوروش  ویرانه‌گرچیلیک، بربادلیک و قارانغیلیکدن باشقه‌ عاقبتی یۉق دیدی‌. اونینگ سۉزلریگه کۉره‌، بیز باشقه‌لردن اۉرگنیشیمیز و بیرلشیب، خلق آسایشته‌لیگی، رواجلنیشی و تینچلیگی اوچون حرکت قیلیشیمیز کېره‌ک.

 طالبانگه قرشی جنگ میدانیده بۉلگن بو یاش پولیس نینگ سونگی پیامی شوکه: “مېن برچه‌نی طالبانگه قرشی توریشگه و خلق نینگ شأنی و عزت  -قیمتین-شرفی دن مدافعه ایتیش ده چقیره‌من چونکه بو کورش افعانستان خلقی و یاشلرینی وطنپرورلیک و معنوي بورچ دیر. ”  قوماندان پامیر، طالبانگه قرشی کوره‌ش نینگ سنگریده بۉلگنیده، یارقین کېله‌جککه ایشانه‌دی و افغانستان قوراللی کوچلری بو امیدسیزلیک کونلرینی جلولب، افغان خلقی نینگ یاردمی بیلن بو مملکتده تینچ محیط یره‌ته‌آلیشی دن ایشانچ بیلدیره دی.