محلي قوماندانلر: تخار مقاومتی شکستگه اوچرهمیدی
akbardashti
18 July 2021تخار ولایتیگه قرشی طالباننی قمل و محاصرهسي ینهده کېسکینلشکن و جنگلر تالقان چېکّهسیگه ېتیب بارگن. اهالی وضعیتدن جدّي خواطرده، اما خلق مقاومت قوماندانلری تخار، طالبان نینگ قۉلیگه اۉتمهیدی و خوفسیزلیک کوچلری و خلق ولایت مرکزی تالقان شهرینی حمایه قیلیش اوچون قۉللریدن کېلگنیچه حرکت قیلیشینی تاکیدلشماقده..
هرچند سۉنگگی کونلرده تالقانگه قرشی طالبان هجوملری کوچهیگن بۉلسه-ده، ولایتدهگی مقاومت قوماندانلری، خلق قۉزغآلانکوچلری و خوفسیزلیک قوتلر بیلن بیرگهلیکده، طالبلر نینگ هجوملرینی قَیتریب، حمایه قیلیب کېلماقدهلر.
تخار خوفسیزلیک و مقاومت کوچلری، طالبان نینگ شِمال-شرقي، غربي و باشقه بیر قنچه استقامتلرده اویوشتیرگن هجوملرینی قَیتریب، طالبان جنگچیلریگه کتّه تلفاتلر ېتکزیش گه موفق بولگن.
کماندو کوچلری، محلي قوماندانلر جملهدن ابراهیم بیگزاد، پیر محمد خاکسار، صلاحالدین برهانی، وفيالله رحماني، نور محمد حکیمی، عبدالله بیک و قوماندان سَلام باشچیلیگیدهگی خلق قۉزغآلان کوچلری بیلن همکارلیکده طالبلرگه قرشی اېنگ قتّيق مقاومت کۉرستدیلر.
تخاردهگی خلق مقاومت قوماندانلریدن بیری پیر محمد خاکسار طالبانگه قرشی هر قندهی قرشیلیکدن واز کېچمسلیگینی و تالقان شهرینی حمایه قیلیشینی ایتهدی. مقاومت قوماندانی تخار، ملت نینگ اویی و مقاومت کوچلری طالبان، اویلری و شهرلرینی اېگهللشیگه یۉل قۉیمهیدی، دېب قۉشیمچه قیلدی.
پیر محمد خاکسارکتّه تجربهگه اېگه بولگن حربی قوماندان و طالبانگه قرشی کورهش ده اشتراک ایتکن سیمالردن بیری دیر. او شمالده ناتینچلیکلر کوپیگنی و تومنلر طالبان قولیگه اوتکنیدن سونگ قورال کۉتاریب، طالبلرگه قرشی کورش اوچون حربي سنگر تمان یول آلدی
اوشبو نفوذلی محلي قوماندان خلقنی سفربر قیلیش و حرکتگه کېلتیریشده مهم رۉل اۉینهیدی و سۉنگگی کونلرده او تالقان شهری تورلی حدودلریده، اۉز آدملری بیلن طالبانگه قرشی کورهش آلیب بارگن.
جناب خاکسار سینگری فخري قوماندانلرنینگ خوفسیزلیک کوچلری و قوتلر بیلن بیرگه بۉلیشی خوفسیزلیک کوچلری نینگ جنگاورلیک روحیاتینی کۉتاریشگه یاردم بېرگن. قوماندان خاکسارنی، حربي تجربهسینی حسابگه آلگن حالده، تالقان خوفسیزلیگینی تأمینلشده و شهر نینگ طالبلر قۉلیگه اۉتیشیگه یۉل قۉیمسلیکده ثمرهلی بۉلیشی ممکن.
قوماندان خاکسار، کېکسه یاشدهگی قوماندان بۉلیشیگه قرهمهی، افغانستان قوراللی کوچلری بیلن کېچه و کوندوز جبهه ده بۉلیب، تالقان خلقیگه خذمت قیلیش و اونی حمایه قیلیشگه صادقلیگینی کۉرسهتماقده.
طالبلر باسقینیگه قرشی پیرمحمد خاکسار و باشقه مقاومتچی قوماندانلر کبی آدملر نینگ قطعیتلیلیگی خلق نینگ طالبلرگه قرشی جدّيلیگینی کۉرسهتماقده و بو قرشیلیک افغانستان نینگ شمالي حدودلریگه کینگیشی و یۉقالگن حدودلر نظارتی محلي و خوفسیزلیک کوچلریگه قَیتریشی کوتیلماقده.
تخار ولایتیدهگی محلي منبعلر نینگ تأکیدلشیچه، سۉنگگی کونلرده برچه مقاومت قوماندانلری طالبان شهری مرکزیده طالبان نینگ اوروش جغرافیهسینی کېنگهییشیگه یۉل قۉیمهیدیلر و طالبلرنی مرکزي حدودلردن قَیتریش اوچون حرکتلر آلیب باریلماقده.
اولر نینگ سۉزلریگه کۉره، طالبلر بیر هفتهگه اېتمهی تالقان شهرینی اېگهللش اوچون سۉنگگی حرکتلرینی قیلدیلر، اما خوفسیزلیک کوچلری و تخارلیک مقاومت کوچلری نینگ قرشیلیکلریدن سۉنگ چېکینیشگه مجبور بۉلیشدی.
تخار اهالیسی، شونینگدېک، هرچند ولایت نینگ برچه تومنلری طالبان جنگریلری قۉلیگه دیر اما مقاومت کوچلری طالبان جنگچیلریني ولایت مرکزیگه هربیر هجومی آلدینی آلیشی سبب اهالی، بو ولایت نینگ طالبان تۉلیق تازهلنیشیگه ایشانچلری کوپیگن.
تخار ولایتی اهالیسی نینگ فکریگه کۉره، اگر تخار ولایتیدهگی مقاومت کوچلری تۉلیق اتفاقلشسهلر و بیردملیک قوللب- قوتلنسه، مرکزي حکومت تامانیدن تۉلیق حمایت بولسه، اوروش معادلهسی افغانستان حکومتی فایدهسیگه اۉزگرهدی.
تخار مملکت نینگ شمال-شرقي ولایتلریدن بیری بۉلیب، اونینگ جغرافیهسی نینگ کتّه قِسمی بیر آیدن کم وقت ایچیده طالبلر نظارتیگه اوتدی و سۉنگگی کونلرده هم طالبان اوشبو ولایت مرکزینی اېگهللب آلیش اوچون هجوملرینی کۉپیتیردی.
بونگه قرهمسدن مقاومت قوماندانلری اما، اۉز حیاتلری عوضیگه تخار مرکزینی حمایه قیلماقدهمیز و ولایت نینگ یۉقالگن جایلرینی قَیتریب آلیشگه تیارلنماقدهمیز دیب ایتیشماقدهلر.
