هندوستان تشقی ایشلر وزیری افغانستانده‌گی وضعیتنی محاکمه قیلیش اوچون روسيه‌گه سفر قیله‌دی
neshananews
06 July 2021هندوسته‌ن تایمز روزنامه‌سی، هندستان تشقی ایشلر وزیری سبرامانیام‌جی‌شنکر افغانستانده‌گی عمومي وضعیتنی محاکمه قیلیش اوچون روسيه‌گه سفرقیلیشی‌دن خبربیرگن.
روزنامه بوگون ( سه‌شنبه۱۵ سرطان ) اۉز اخبارات بولیمیده جناب جی‌شنکر نینگ تشریفی شو هفته آخریده بۉلیب اۉتیشینی یازگن. روزنامه، هندوستان تشقی ایشلر وزیری روسيه‌گه تشریفی چاغیده روسیه تشقی ایشلر وزیری و باشقه روسيه رسميلری بیلن افغانستانده‌گی اۉزگرووچی وضعیتنی محاکمه قیله‌دی، دېب یازگن.
افغانستان تینچلیک جریانینی تېزلشتیریش بۉییچه منطقوي سعی-حرکتلرنی آشیریش جناب جی‌شنکر نینگ روسيه‌گه تشریفی دوامیده هم محاکمه قیلینه‌دی.
زۉرآورلیک اوج آله‌یاتگن بیر پیتده مملکت نینگ بیر قطار تومنلری طالبان جنگریلری قۉلیگه اۉتگن. پاکستان باش وزیری عمران خان نینگ ایتیشیچه، هندوستان حکومتی افغانستانده‌گی سۉنگگی واقعه‌لرده اېنگ کۉپ یوتقزگن دولت بۉله‌دی. هندوستان سۉنگگی ۲۰ ییل ایچیده افغانستان حکومتی نی اېنگ مهم منطقوي اتفاقچیلریدن بیری بۉلیب کېلگن.
