هندوستان ساغليك ني سقلش وزيرليگي راپوريگه كوره هندوستان نينگ نيچه ايالتي ده سكيز مينگ و ٨٠٠ دن كوپراق كيشي قرا قارچ ناملي كسل ليك ني يوقتيرگني رويخط ده آلينگن.

بي بي سي ني انگليس تيلي دستوري بوكون ( دوشنبه ٣ جوزا ) نشر ايتكن راپوريده، ” قرا قارچ ” ناملي بو ينگي كسلليك ني يوقتيرگنلنردن يريمي گجرات و مهاراشترا ايالتلريده رويخط ده آلينگني دن خبربيرگن.

بو راپورگه كوره هندوستان نينگ اون بيش ايالتي ده سكيزدن ٩٠٠ كيشي بو كسلليك ني يوقتيرگني و ٢٩ ايالت ده هم بو كسلليك يتيب بارگني رويخط ده آلينگني ني قيد ايتكن.

شفاكارلر ادعالريگه كوره كويد ١٩ كسلليگي ني يوقتيرگن كيشيلر بو ينگي كسلليك ني يوقتيريش لري ممكن.اوتكن بير آي جريانيده هندوستان ده كروناويروسي نينگ دهشتلي تولقين مينگلب كيشي دن جان آلگن.

بي بي سي راپوريگه كوره قراقارچ ناملي ينگي كسلليك هندوستان نينگ تورلي ايالت لريده اونداي بيرحالده كوپيماقده كه اوتكن ايككي هفته جريانيده بو كسلليك ني يوقتيرگن لر ساني سكيز كيشي دن ٢٠٠ كيشي گه چه كوپيدي.

هندوستان ساغليك ني سقلش وزيرليگي معلوماتيگه اساسن قراقارچ كسلليگي ني بوقتيرگنلردن ٨٠ فايزي جراحي عملياتي گه ضرورتلري بار. قراقارچ كسلليگي كم پيدا كسلليك دير كه كرونا ويروسي اوچينچي تولقيني اوج آلگن پيت ده بو مملكت ده ييرلگن.