هندوستان و روسيه تشقی ایشلر وزیرلری، افغانستانده‌گی زۉروانلیکلر توخته‌تیلیشی‌نی طلب ایتدیلر
neshananews
10 July 2021هندوستان تشقی ایشلر وزیری سبرامانیام جی‌شنکر مسکوگه سفری چاغیده روسيه‌لیک هم‌کسبی بیلن افغانستانده‌گی خوفسیزلیک بیلن باغلیق وضعیتنی محاکمه قیلدی.
جناب جی‌شنکر اۉزی نینگ تویتترده‌گی صحیفه‌سیده کېچه (جمعه ۱۸سرطان) روسيه تشقی ایشلر وزیری سېرگېی لاوروف بیلن اوچره‌شگنینی یازگن. جناب جی‌شنکرجنابلری نینگ قۉشیمچه قیلیشیچه، اوچره‌شوو چاغیده هندوستان و روسيه اۉرته‌سیده‌گی ایکّی تامانله‌مه علاقه‌لرنی کوریب چیقیلگندن تشقری، منطقه نینگ اقتصادي رواجلنیشی، یقین شرقده‌گی وضعیت و افغانستانده‌گی خوفسیزلیک حالتی هم محاکمه قیلینگن.
اوچره‌شوو دوامیده هندوستان و روسيه تشقی ایشلر وزیرلری افغانستان‌ده دوام اېته‌یاتگن زۉروانلیکلردن، خصوصاً، سۉنگگی ایکّی آی ایچیده مملکتده طالبان هجوملری اوج آله‌یاتگنیدن خواطر بیلدیردیلر و زۉرآورلیکنی زودلیک بیلن توخته‌تیش‌ني‌طلب ایتدیلر.
اولر افغانستان‌ده اوروشنی دوام اېتتیریش اېچیم اېمسلیگینی و افغانستان حکومتی اوشبو مملکتده اوروشنی توخته‌تیش اوچون سیاسي اېچیم تاپیشگه اعتبار قره‌تیش کېره‌کلیگینی تأکیدله‌دیلر.
اما، طالبان تمانیدن زۉرآورلیک اوج آلگنیدن سۉنگ، افغانستان تشقی ایشلر وزیری طالبان هجوملری نینگ کۉپه‌ییشی منطقه خوفسیزلیگیگه تهدید سالیشی ممکنلیگی حقیده آگاهلنتیرگندی.
