پاکستان اردوسی باش قوماندانی قطر مدافعه وزیری بیلن افغانستان‌ده تینچلیک اۉرنه‌تیش تۉغریسیده مذاکره‌لری
neshananews
08 July 2021پاکستان اردوسی باش قوماندانی جواد قمر باجوا ایکّی کونلیک تشریف بیلن قطرده بۉلیب، افغانستان تینچلیک مسأله‌سینی باش وزیر اۉرین‌باسری و مدافعه وزیری خالد بن محمد آل‌عطیه بیلن محاکمه قیلدی.
پاکستان نینگ “دان” روزنامه‌سی بوگون ( پنجشنبه ۱۷ سرطان) اوچره‌شوو کېچه بۉلیب اۉتگنلیگینی خبر قیلدی. روزنامه نینگ یازیشیچه، پاکستان اوردوسی باشلیغی قطرنینگ افغانستان تینچلیک جریانیده‌گی رۉلینی مهم دېب تعریفله‌گن و بو مملکت نینگ افغانستان تینچلیک جریانیده‌گی ثمره‌لی حرکتلرینی یوقاری بهاله‌گن.
جنرال باجوا قطرحکومتی‌نی افغانستان تینچلیک جریانیده‌گی اساسی رۉلینی دوام اېتتیریشگه چقیرگن. دان روزنامه‌سی اوچره‌شوو حقیده باتفصیل معلومات بېرمه‌گن.
اوچره‌شوو، مملکتده افغان کوچلری و طالبلر اۉرته‌سیده ایکّی آی دوام اېتگن شدّتلی جنگلردن سۉنگ تینچلیک مذاکره‌لری قَیته باشلنگن پیتگه تۉغری کېله‌دی.
یقینده افغانستان حکومتی و طالبان وکیللری تهران‌ده اوچره‌شدیلر. اوچره‌شوو اېران تشقی ایشلر وزیرلیگی میزبان‌لیگی بیلن اۉتکزیلدی. امریکا تشقی ایشلر وزیرلیگی، تهران نینگ اوچره‌شووگه یۉل آچیش بۉییچه حرکتلرینی ثمره‌لی دېب اته‌گن.
