پاکستان اطلاعات وزیری: افغانستانده تینچلیک اۉرنه‌تیش پاکستان نینگ مرکزي آسیا بیلن علاقه‌سی اوچون جوده مهم‌دیر
neshananews
29 July 2021پاکستان اطلاعات وزیری فواد حسین چودری نینگ ایتیشیچه، افغانستانده‌گی برقرارلیک پاکستان‌نی مرکزي آسیا و اروپا بیلن باغلش اوچون جوده مهم‌دیر.
پاکستان نینگ “دان” روزنامه‌سی کېچه (چهارشنبه ۶ اسد) کېچقرون جناب چودری پاکستان پایتختی اسلام‌آباد ده اوتکزیلگن ییغیلیشده اوشبو مسأله‌نی کۉتارگنینی خبر قیلدی.
جناب چودری نینگ قۉشیمچه قیلیشیچه، اسلام‌آباد گوادر بندری و تاشکند شهری اۉرته‌سیده پاکستان‌نی افغانستان آرقه‌لی اۉزبېکستان و مرکزي آسیا بیلن باغلش اوچون تېمیر یۉل قوریشگه اینتیلماقده.
اونینگ سۉزلریگه کۉره، افغانستانده برقرارلیکنی تأمینلش اوشبو مهم دستورنی عملگه آشیریش اوچون جوده مهم‌دیر. اونگه کۉره، پاکستان اوشبو بویوک منطقوي دستور دایره‌سیده اۉز اقتصادیاتینی رواجلنتیریشگه اینتیلماقده.
اۉتگن ییلی اوچ مملکت اۉرته‌سیده افغانستان آرقه‌لی پاکستان و اۉزبېکستان اۉرته‌سیده تېمیر یۉل قوریلیشی بۉییچه یۉل خریطه‌سی کېلیشیلگن اېدی، اما جمهوررییس غنی مملکتده زۉروانلیک اوج آله‌یاتگنی سببلی بو رېجه عملی بولیشی قیینلشیب بارماقده، دېب ایتکندی.
