فرمانده پولیس خوست و پکتیا

پكتيا و خوست ولايتلري سابق پوليس باشليغي توقيزيشر فرزندي و عمكي سي بيلن طالبان پيسترمه سيده اولديريلدي

neshananews

neshananews

12 May 2021

خوست ولايتي محلي رسميلري پكتيا و خوست ولايتلري سابق پوليس باشليغي اخترمحمد شاهين توقيز ياشلي اوغلي و عمكي سي بيلن طالبان پيسترمه گه دوچ كيليب اولديريلگني ني تصديق لشكن.
خوست ولايتي پوليس باشليغي داوود امين نشانه خبر آژانسي بيلن صحبت ده بو واقعه اوتكن كوني( سه شنبه ٢١ ثور) توشدن سونگ بو ولايت ني تني تومني گه تيگيشلي بولگن” دوشي كلي للمي” قشلاقي يقينيده يوز بيرگن ديدي.
امين جنابلريگه كوره پوليس نينگ بو سابق قومانداني فرزندي و عمكي بيلن اويي تمان باره ياتكان پيت ده طالبان پيسترمه سيگه دچار بوليب اولديريلگن. خوست پوليس قومانداني بو پيسترمه گه بو قوماندان نينگ ايككي قريندايشي هم تن حراحت كورگني ني ايتكن. طالبان گروهي بو واقعه مسوليتي اوز بوينيگه آلگن.
مملكت شرقيده جايلشكن خوست ولايتي ناتينچ ولايت دير و بو ولايت نينگ ايريم تومنلريده طالبان جنگچي لري فعال دير.